1 Samuel 4:5 - Nobonob Baibel

⁵ Ag gona, Yawenu Tituanak Nainu Kunup kontrak inak ele amu aon uɗiegeg, haen Israel danab ag Yawenu Tituanak Nainu Kunup kontrak inak ele haen tutu dayaknu aab kalak ahilagppa uɗiom anidna amu, ag huanaknab eppig amunu, wan aakku uɗalom.

1 Samuel 4:5 Referans Kwoze

Josua 6:5

Ag amu henana, haen mana mettak danab ag iwalak eeɗak elab heppeg doon amu, ban daup oh ag huananab eig! Ag anam heppeg, aɗ aab okkai taliliak daatte amu, aɗ amuam loppaɗa, na qekku. Aɗ loppaɗa neeb, ban danab anen anen, ag noolkadppa tutukku aab okkai ooppa nokkulag,” awa aum.

Amos 6:3

Ag Israel, Juda ele dilag ikki danab, ag, “Uug anttaknu haen ihinigppa miag ii beum daatte,” aon atteb; ag amu anana, ag kobol ag hetteb amu, ag kobol amuppa uug naunab anttaknu deɗ aakku aoeg, miag doum daatte.

Jeremaia 7:4

Laa ag, ‘Yawenu mettid lag, lag amunu keeke oh ele ig oonigppa daatte amunu, uug laa ihinigppa ii bema,’ ge iitta mattin oitteb amu, ag nai amuppa hambubutteb. Ag laa ag nai amu dabmenana, ag nai amunu aib oolagppa genab dooppig.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Ikki Danab 15:14

Ag anam aon ukkaegeg, Samson nug Lehi teete amu, Pilistia ag ⌊ahilag dabmakppa ag Samson eɗidna aoppig doon, gamalag huananab ahe⌋ enana, nug gumidna uɗippig. Amge Yawenu Ouɗi nuhigppa ɠagattag ele uɗia, Samson ehanitte, nug eppegppan muɗi hoh, am muɗi aab manaeg ewe gai-iitta meum bia mataɗa awa, muɗi hoh eppegppanu na qe,

Josua 6:20

Amu haen Josua nug danab ag ekkulagnu a, danab ag trampet iwalegeg, danab ah ag baag doona, ag huananab eppig. Ag anam heeg amu, Jeriko aab okkainu aɗ aakku pana ne, Israel dilag daup anen anen, ag noolkadppa tutukku aab okkai ooppa ban hekkulagnu nona, aab aoppig.

Maika 2:11

Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.

1 Samuel 4:6

Israel danab eegeg, Pilistia dilag daup ag daulagppa doon, ag akka akka nug oɗ medappig. “Diig aɗinu Hibru danab ag haen tutu dayaknu aab kalak ahilagppa daanna, huan etteb?” aon appig. Ag anam aeg, Yawenu Tituanak Nainu Kunup Israel dilag haen tutu dayaknu aab kalakppa uɗiom; ag nai amu uɗie doonna,

2 Samuel 15:24

Amu mana mettak danab Sadok, Abiatar ele, Lewi buɗubppan mana mettak danab iitta, ag appa daappig ele amu, ag Dawit ele oh goppig. Lewi buɗubppan mana mettak danab iitta, ag Kayaknu Tituanak Nainu Kunup kontrak inak ele maoppig. Ag Kayaknu Tituanak Nainu Kunup maon nona, aab okkai dimittim meeg dayeye, Abiatar nug doɗ manatta, Kayak medette, aab okkaippan danab ah gokkulagnu ahappig ele, ag oh gona malaeg, nug amu uuom.

1 King 1:40

Am danab ah oh ag anam enana, Solomon dim lamitteg, Jerusalem aab okkaippa wappig. Wanana, ag gamalag ahehe, baalag okkaippa enana, attug ele iwalppig. Eppig, baalag oqotti amu okkainab ahehe, wan uɗalom.