1 Samuel 4:15 - Nobonob Baibel

¹⁵ Amu Eli nug am danab kainonab dayom; nuhig maɗ oh am 98, amu nug ameg ele gaɗuom amunu, nug neekkeb ukkeb, keeke laa anidkkunu elele iitta.

1 Samuel 4:15 Referans Kwoze

1 Samuel 3:2

Anam daye amu, deɗ laa tuqan Eli, nug ameg nauhkkunu heehe, nug pehettak neegkkunu elele iitta, nug niiak aben nuhigppa niiom.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

1 King 14:4

Jeroboam nug anam a, nug wau Jeroboam aum bia oɗe dim lamitta ha, nug ukka Silo ta, nug Ahaiya laugppa ukkom. Ahaiya nug gemu am kainonab amunu, nug ameg gaɗuak dayom.

Genesis 27:1

Dimppa Aisak nug kaino me, ameg gaɗue dayeye, neekka keeke pehettak anidkkunu elele iitta, nug Esau onigppa e uɗie, nug amegppa, “O nan,” awa aum. Anam a amu, Esau nug aum. “Da ina, aɗitai, appe dookkul,” awa aum.

1 Samuel 4:14

Amu danab nug ban abenppanu uɗiom ele amu, nug nai uug ele amu mattie, danab ah ag doon, huan gaaegeg, Eli doya, nug oɗ meum. “Muttub qak imu am, diig attem?” awa oɗ meum. Nug anam oɗ me, danab nai awa uɗiom ele, nug doya, nug paha Eli toppa ukkom.