1 Samuel 4:11 - Nobonob Baibel

¹¹ Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.

1 Samuel 4:11 Referans Kwoze

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

Sam 78:64

Kekeɗ ag Israel dilag mana mettak danab qep elabppa duulag watteg, Israel danab amu, ag waalkad ag mahialadkkulagnu elele iitta daappig.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

1 Samuel 2:32

Amunu, na da daattemppa amu, na amuppa uug nau anidkkut. Da heppi, Israel danab ah ag ena oiglag, amge na buɗunppan danab laa, nug kaino ma iinab oimna.

1 Samuel 2:31

Doye! Geha da heppi, na baenadppanu, amu na buɗunppanu ele laa nug kaino ma ii mauhma. Iitta. Ag kaino ii meppig oinna mauhkkulag amunu, ag oolagppanu kaino laa ii daama.

1 Samuel 4:21

Nug nai amu hamu doya, nug, “Kayaknu binag amahlak oppiaawak ele Israel ooppanu ukkom,” anana, nug nid onig Ikabod ataɗom. Nug anam aumnu diig am, Pilistia ag Kayaknu Tituanak Nainu Kunup aon goppig, amu nug gamu, gamu mameg ele oh mauhpiɗ.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

Jeremaia 7:12

Yawe Nug atte. “Ag ahan, Silo gona, Israel danab ah ag nau hak huanak heppig amunu, da Silo appa diig amunu hei nauhom amu, ag neegna antteg!

1 Samuel 3:12

Da kobol amu hekkul ele am inam. Da uug aɗi aɗi Eli, nug buɗub ele, da ag uug madakkulnu ami amu, da amu ohnab hekkul. Da laippu laa iinab tippalpa.