1 Samuel 30:8 - Nobonob Baibel

⁸ Abiatar nug anam he amu, Dawit nug Yawe oɗ metta aum. “Da ag ele ban hekkunignu da ban danab amu dim lamadkkul, o iitta? Da ukke amu, da ag gumatte wakkul, o iitta?” Dawit nug Yawe anam oɗ mettom. Nug Yawe oɗ mette, Yawe Nug nob ma, amegppa aum. “Ao, na ag dim lamatte! Aɗinu? Na dim lamadna gona, geha na gona, ag gumadna wana, na danab ah aɗualadna diin goppig amu oh diiadkkut.” Yawe Nug anam aum.

1 Samuel 30:8 Referans Kwoze

1 Samuel 30:18

Dawit nug nuhikkud ban danab ele ag ban hewona, Dawit nug nuhikkud ban danab ele, ag keeke oh Amalek aon goppig amu, ag eɗun akkan, amu Dawit nug wauuɗ aɗit, amu ele eɗua diiatom.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

1 Samuel 28:6

Saul nug anam baɗa haaha, geha nug attem hekkunu Yawe oɗ mettom, amge oɗmak amu nob mak amu, Yawe Nug tul niiakppa, o Urim, ⌊Tumim⌋ eleppa, o propet laa oɗeppa oɗmak nob laa ii mettom. Iittanab iitta.

Ikki Danab 20:18

Amge ag ban ii heppig daanna amu, Israel ag Betel gona, Kayak oɗ mettan appig. “Israel dilag huu okkai atten nug banelag ukka, anuqa Benyamin danab ele ban hekkulag?” anan oɗ medappig. Ag anam Yawe oɗ mettaeg amu, Nug ag oɗelagppa awa aum. “Juda ag tatam anuqkkulag,” awa aum.

Ikki Danab 20:28

Eleasar bekka Pinias, Aron alag, nug appa, Tituanak Nainu Kunup guguittak, Yawe noobppa mana mettak danab dayom. Amu Israel ag Yawe oɗ medappig. “Ig lainkad Benyamin ele baula ban hekkunigte, o iitta, ig uugnigtai,” aon od mettan appig. Ag anam oɗ meeg, Yawe aum. “Ag goppeg, ag ele ban heig! Butti amu, da ag eppelagppa maadkkul,” awa aum.

1 Samuel 14:37

Nug anam aum amunu, Saul nug Kayak oɗ mettom. “Ig banelag nota, Pilistia aqagnigte? Ig nota hepput amu, na ag ig eppenigppa mekkutte?” Saul nug anam oɗ mettom, amge Kayak Nug nai laa haen amuppa nug oɗeppa ii awa, amegppa keeke laa ii aum.

Genesis 14:16

Eɗadna amu, Abram nug daup ele Sodom, Gomora elenu keeke oh, enub, danab, amu ah oh ele, amu Abram bekka nakok Lot, amu nuhig keeke oh ele, ag eɗun diiadppig.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

1 Samuel 30:19

Keeke laa ii qettoɗom. Iitta. Ag danab, ah, nid bau, amu oh diin, kaino ele oh diin, nid naunau, nid danab, nid ahin amu oh diin, keeke laala oh ele oh ag eɗun aoppig. Dawit, nuhikkud danab ele, ag keeke oh eɗun aɗadna, akkan uɗippig.

Ikki Danab 8:4

⌊Amge amu ii nak haenppa,⌋ Gideon nug nuhig danab 300 ele Jodan le mataɗppig; ag beɗulag maidadaɗa auta awom, me ag le amu mataɗna, tuɗidna ban danab amu lamadppig.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.