1 Samuel 30:12 - Nobonob Baibel

¹² Ee ag medappig am, grep meu qaɗaiettak batappatak aɗit, aria ad fig meu qaɗaiettak batappatak laih ele medappig. Ag ee amu mettaeg, nug ee amu lawowa, nug eɗua ɠagattag nakok awom. Nug eɗua, ena dayomnu diig am, nug deɗ ewam, tuqan ewam ele ee, le ele laa ii laum, amuppa nug ɠagattag nuhig oh iitta meum.

1 Samuel 30:12 Referans Kwoze

Ikki Danab 15:19

Nug anam unuqitta male, amu Lehi appa Kayak Nug he, le huanak wanppa aben tappiɗ naɗinab bia, appa qeppuɗia be, Samson nug lawowa ɠagattag awowa, nug aben amu onig ataɗa, En Hakore aum. Aben amu gemu ⌊nai imu yaak haenppa⌋ ele Lehi appa daatte.

1 Samuel 14:27

Saul nug Kayak onig awa, daup ag ee laa ii lamananu nai ɠagattag qetta aum, amge Jonatan nug mamegnu nai amu ii doyom amunu, nug uppuh leppu dayom abenppa ta, nug nuhig dudqak hokkat ikki duttune, uppuh leppun teɗ ooppa no, uppuh leppu nakok laa awa laum amunu, nug beɗu eɗua, ɠagattag qeum.

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Jona 1:17

Ag anam heppig, amge Yawe Nug kakai naɗi he uɗia, Jona awa, kunum toppua ukke, Jona nug kakai ooppa noa, deɗ ewam, tuqan ewam ele anam dayom.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

1 Samuel 30:13

Nid bau nug ee lana, eɗua nakok ɠagattag awe, amu Dawit nug nug oɗ metta, amegppa aum. “Danab okkai nahip am aun? Na aab adeppan danab?” Dawit nug anam nid bau oɗ mette amu, nid bau nug nob ma aum. “Da am Isip danab,” awa aum. “Da am Amalek danab laanu begbeg maɗi nid. Da oɗe memi amunu, danab okkai dahil nug da uuiɗa ukke, da deɗ ewam iguppa daami,” awa aum.

1 Samuel 30:11

Ag gonana, Dawitnu ban danab laala ag Isip nid bau laa, nug wanppa niieye anidppig. Anidna, ag aon, Dawit toppa gona, ag ee, le ele nid bau amu medappig.

Gayak Nai 1:11

Juda danab ah oh ag ee mattinna, ag aiqagatteb. Ag en okkai laa aon, ee huppu nakok, ag bau daaglagnu en okkai amuppa daden mekkulagnu hetteb. Juda ag atteb. “O Yawe, laa ag ig Juda, ag ihinignu ena iinab dootteb amunu, na ig neekkigna, ihinignu dabmekkutnu oɗ medattem,” oɗ mettan maditteb.