1 Samuel 3:11 - Nobonob Baibel

¹¹ Samuel nug anam mattia male, Yawe Nug aum. “Antte! Da Israel danab ah oolagppa kobol laa hekkulnu hettem amu, da amu heppi, Israel danab ah ag amu anidna, ag eheɗ ottaikkulag.

1 Samuel 3:11 Referans Kwoze

Habakuk 1:5

⌊Nai amunu amu, Yawe Nug eɗua, nob ma, inam aum.⌋ “Na wanppan wan oolagppa neegna anidna, dabmak huanaknab awe! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.

Aposel 13:41

‘O ag awa awa qettak danab, ag anidna, dabmak kuɗum aonna, mauheg! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.’ ” Pol nug anam aum.

Jeremaia 19:3

Na inam akkut. ‘O Juda dilag king, amu Jerusalem danab ah ele ag Yawenu nai doyeg! Yawe Nukka Ɠagattag Oh Ele, Israel dilag Kayak, Nug inam atte. “Doyeg! Da heppi, uug naunab aben imuppa nekku. Danab auntai nug amu nekku dimppa, nug amunu nai dookku amu, nug eheɗ ottaikku.

2 King 21:12

Aakku amunu, da Yawe, Israel dilag Kayak, da attem. ‘Geha da Juda danab ah oh, laa Jerusalemnu, laa Juda wanppa laih laihnu amu, da heppi, ag nauhna autna aoppeg, haen aab laalappanu danab ah ag geha keeke amu beumnu nai doon, ag eheɗ ottaina dabmak kuɗum ele aoglag.

Luk 21:26

Geha danab ah kuɗum ag keeke wanppa bekku amunu dabmenana, ag oolag huan baɗeb, amelag uu edakku. Aɗinu? Habppan hoɗoppai ag uɗalnana, ag ippulag tutukku ii dim lamidmana.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Aisaia 28:19

Haen adekkuppa uug nau, okkai amu uɗikku amu, uug amuam ag diia auta aokku. Amu uug amu haen kuɗumnab amun, tuqan ele anidkkulagib.” Naɗi Yawe Nug anam atte. Amu aun aɗi ag nai imu doon, diignu doyak tutukku aoglag amu, ag aakku eheɗ nau baɗan daaglag.

1 Samuel 3:10

Nug anam niieye, Yawe Nug uɗia, Samuel niiomppa guguitta hibaitta dayaya, nug haen laa oh Samuel onigppa eum bia baula ewa “Samuel! Samuel!” aum. Nug anam e amu, Samuel nug aum. “Nahip maɗi nid da, da nai dookkulnu iikku daattem amunu, na aɗi akkutnu hettem amu, na anam akkutnu ool daatte,” awa aum.

1 Samuel 4:10

Pilistia dilag daup ag akka akka anam awona, ag ban henana, ag Israel eɗatteg, Israel dilag daup ag oolna, laulkadppa goppig. Amge ag ban henana, Pilistia ag Israel dilag daup huanaknab aqappig. Ag aqaeg ukke ukke, Israel dilag daup 30,000 mauhppig.

Job 41:9

Na nug eɗidkkutnu dabmettem dayeb amu, dabmak amuam hambuppuak aakkuib. Na anam iinab hemana. Ge, na neegppe ukkeb, doɗ amu anidna, na beɗun bodoetteb, gai-iitta daakkut.