1 Samuel 29:3 - Nobonob Baibel

³ Ag anam tappa ukkak laippuppa gonana, Pilistia dilag okkai ag Dawit anidna, nuhig huu ele anadna, ag Akis oɗ mettan appig. “Hibru ameg imuam aɗinu ag ig ele ippa daattem?” aon appig. Ag anam aeg, Akis nug nob ma amelagppa aum. “Nug am Dawit. Danab amu nug anukka Saul, Israel dilag king, nuhig ban daup ikki laa dayom. Amge nug Saul uuitta, nug uɗie, da ele maɗ laippu kalam laala ele anam daamuɗ. Nug uɗie, ii aakku daauɗ uɗiom, haen amu ohppa da nug anidmi, am nug eheɗ nakok laa ii heum.” Akis nug anam aum.

1 Samuel 29:3 Referans Kwoze

Daniel 6:5

Danab amu ag anam beɗu mak daanna, Daniel uɗatppa eheɗ laa ii heum anidna, ag akka akka appig. “Ig Daniel uɗat heebeb, aɗi eheɗ laa anidta, king amegppa akkunignu am ii anidmata. Ib laippu aakkuib daatte. Amuam nug nuhig Kayaknu ɗo pehettak dim lamidtte amunu, ig nug amuppa eheɗ laa heeb anidkkunigtai,” aon appig.

1 Samuel 27:7

Am Dawit nug Pilistia wanppa maɗ laippu kalam waɗele dayom.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Jon 19:6

Anam a amu mana mettak danab okkai, ahilkad daup ele ag Jesus anidna, huanak ena appig. “Ad emaitakppa atule! Ad emaitakppa atule!” aon appig. Anam aeg amu Pailat nug aum, “Ag akka aon, ad emaitakppa atuleg! Da am nuhigppa ɗo tippalak laa ii anidmi,” awa aum.

1 Samuel 25:28

O naɗi, da, da nahip maɗi ah amu, da na dahil eheɗ hak uhuqna meɗakkutnu oɗ medattem. Aɗinu? Na, na am dahil naɗi, na hanhan ukke, Yawe Nug oo hette amubia na gona, Yawenu kekeɗ ele ban hena aqadttem amunu, Yawe Nug geha heeb, na, na buɗunad oolagppanu laala ele ag ahilag haen anen anenppa ag geha king daaglagnu ɠagattag tuqa ii awak bia aɗaglag. Anam bekku amunu, gemu haen na daattem imuppa, laa nug nai genab geha ana, ‘Dawit nug eheɗ heum,’ akkunu elele daakkunu da ool ii daatte.

1 Samuel 27:1

Dawit, Saul ele aa anam daapiɗ, amge deɗ laa Dawit nug nukka ooppa dabmak awa, inam dabmeum. “Da inamib daakkul amu, haen laa Saul nug geha da iweb mauhkkul. Amu ii bemanu da ahen, Pilistia wanppa ukken daakkul. Da anam heppi, geha Saul nug ippa Israel wanppa da mattiɗkkunu bahi yeeb, da Saul eppegppa ii wapa,” dabmeum.

1 Samuel 29:6

Ag anam aeg amu, Akis nug Dawit onigppa e do, nug Dawit amegppa aum. “Genabnab genab, Yawe bauklel daatte, genab amubia na dahilnu kobol enaib heme amunu, ban imuppa na geha da ehaniɗkkutnu ool daatte. Haen na da gumiɗna uɗime uɗie, gemu batak da nahip-ppa eheɗ hak nakok laa ii anidmi, amge Pilistia danab okkai laa ag na geha ig ele daagnignu amu, ag nahipnu uug dootteb,

1 Stori 12:19

Amu ban danab laa ag Dawit ehanidkkulagnu nug gumidna goppig ele amu, ag am Manase danab. Pilistia ag Saul ele ban hekkulagnu daaegeg, Dawit nug Pilistia ehanadkkun ukke, haen amuppa Manase danab amu ag Dawit gumidna goppig. Dawit, Pilistia ele ag Saul ele ban hekkulagnu goppig, amge Pilistia dilag okkai ag nai mattinna, “Dawit ig ele oh gota, banppa nug eɗua, nuhig okkai Saul ehanitteb, iqappeg mauhmata,” anana, ag heeg, Dawit, nuhikkud danab ele ag eɗun, Siklak goppig amunu, Dawit nug Pilistia ii ehanattom.

1 Stori 12:20

Amu haen Dawit aɗi ag eɗun, Siklak goppig amu, Manase danab amu ag nug ele oh goppig. Danab anam heppig ele am Atna, Josabat, Jediael, Maikel, Josabat, Elihu, Siletai ele. Ag oh am Manase oolagppanu huu 1,000 anen anen dilag ikki danab daappig.

Genesis 14:13

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.

1 Samuel 4:6

Israel danab eegeg, Pilistia dilag daup ag daulagppa doon, ag akka akka nug oɗ medappig. “Diig aɗinu Hibru danab ag haen tutu dayaknu aab kalak ahilagppa daanna, huan etteb?” aon appig. Ag anam aeg, Yawenu Tituanak Nainu Kunup Israel dilag haen tutu dayaknu aab kalakppa uɗiom; ag nai amu uɗie doonna,

1 Samuel 14:11

Jonatan nug anam a, aa heeh, Pilistia ag anatna, ag akka akka appig. “Antteg! Hibru danab ag wan oɗeppa akka akka lokkumppig eleppa, ag amuppanu aɗeɗe uɗitteb,” aon appig.