1 Samuel 28:11 - Nobonob Baibel

¹¹ Saul nug anam a, ah nug ⌊hekkunu elele⌋ doya, nug Saul amegppa aum. “Da appi, geha aun bekkunu oot daatte?” awa aum. Nug anam a amu, Saul nug amegppa nob ma aum. “Na heppe, Samuel bekkunu ool daatte,” awa aum.

1 Samuel 28:11 Referans Kwoze

1 Samuel 28:10

Ah nug anam a amu, Saul nug nai nuhig Yawe onigppa ɠagattag qetta, ah amegppa inam aum. “Genabnab genab, Yawe bauklel daatte, genab amubia na nai dahil dim lamidppe amu, geha nob mettak nau laa nahip-ppa ii bema. Iitta genab,” awa aum.

1 Samuel 28:12

Saul nug anam a, ah Samuel onigppa e beum, amu haen ah nug Samuel antta, nug Saul am Saul doyom, amu nug eheɗ nau ewa, amegppa aum. “Aɗinu na da buppuiɗme? Na Saul!” awa aum.

Duteronomi 18:11

o eheɗ laa awaknu anak waappa dayaknu nai, ag amu oh aibnab heppig. Laa nug mauhak ele gamag danab, o mauhak ele mattiak danab aib dayom.

1 Samuel 28:15

Anam dayeye, Samuel nug Saul oɗ mettom. “Aɗinu na dahil dayak okkulna, da onilppa e, da eɗue uɗimi,” awa oɗ mettom. Nug anam oɗ me, Saul nug nob ma aum. “Da uug nau doottem. Pilistia ag da ele ban hekkunignu uɗippig, amu Kayak Nug da dimeɗa, nug propet oɗelagppa nai laa ii meɗatte, tul niiakppa ele iitta. Anam daye amunu, da na oninppa emi. Geha da attem hekkul amu, na appe dookkul,” awa aum.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!