1 Samuel 26:25 - Nobonob Baibel

²⁵ Dawit nug anam a, Saul nug nob ma aum. “Dawit, da bekkal, Kayak nug geha na itidkkunu ool daatte. Da doottem, na geha uɗat okkai okkai hebeppe, nahip hak am ta, ena gokku,” awa aum. Saul nug anam a, Dawit nug eɗua ugekke, aakku Saul eɗua appagppa ukkom.

1 Samuel 26:25 Referans Kwoze

Prowerb 26:25

Ge, danab amu nug nai enanag madikkutai; amge diig amunu na nuhignu aib ootppa genab doome. Aɗinu? Nug ooppa kobol nau kuɗumnab, Kayak Nug kobol amunu ooppa uuaknab dootte amu, nug amu hekkunu dabmette.

1 Samuel 24:19

Haen danab laa nug nuhig kekeɗ anidtte amu, nug guittak iite medatte? Ao, nug guittak medatte. Danab laa nug kekeɗ antta, geha nug, nug amegppa, ‘Na appanppa eɗun ukke!’ akkute? Iittanab iitta amunu, da ool inam daatte. Geha Yawe Nug kobol ena oh na dahilnu heme amu antta, Nug nob ena na medakku.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

Rom 8:35

Ig Kristusnu oo mauhak ooppa daattem, amu aun nug amuppanu matakkikka aokku? Uug laate; o iitta oiyak ihinigppa keeke ig mawaknu uug doottem, amute; o iitta eheɗ heikkak, amute; o iitta enug haen, amute; o iitta keekenu tutu mak, amute; o iitta qagaiettak haen, amute; o iitta mauhak, amute, o amu oolagppan laa am Kristusnu oo mauhak ooppanu matakkikka aokkute? Iittanab!

Hosea 12:4

Am genab, nug engel ele wagai mak heya, wagai maknu ii uuom; nug gaya, itittak ena aokkunu ɠagattag oɗ mettom. Betel appa amu nug Kayak ele nug uɗa teya, appa Kayak nug ele nai madipiɗ.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

1 Samuel 24:22

Saul nug anam a, Dawit nug anam hekkunu Yawe onig awa, nuhig nai ɠagattag qettom. Nug anam he, Saul nug eɗua aabppa ukkom, amge Dawit nug nuhikkud danab ele ag eɗun, ban haknu aben ɠagattag eleppa gona, appa daappig.

1 Samuel 24:20

Da genabnab na geha Israel dilag king bena, na king daappe, laa nug uɗat amu eppenppanu ii aɗitta aoma doottem.