1 Samuel 26:24 - Nobonob Baibel

²⁴ Antte! Gemu da bau dayak nahip am keeke okkai dabmein, da keeke eheɗ laa nahipnu ii hemi; anamib Yawe Nug bau dayak dahilnu ele dabmaama, haen dahilppa uug betteb, am geha Nug da ehaniɗeb, da uug amu eɗadkkulnu ool daatte,” awa aum.

1 Samuel 26:24 Referans Kwoze

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

2 Tesalonaika 3:2

Danab kuɗum ag Jesusnu oolagppa genab ii doonna, ag uɗat ihinig heppeg nauhkkunu hetteb amunu ag Kayak, Nug ig danab nau amu ag eppelagppanu uhuqigkkunu ele unuqitteg!

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Sam 144:2

Nug am dahil Kayak, Nug dahilnu oo mauhaknab dootte. Nug am aab aɗ ɠagattagnab ele dahil bia daatte. Nug anam dayaya, Nug da uugppa daaiyi ehaniɗe, da ena daattem. Nug am dahil guppiɗ. Uug iukkunu heehe, da padal mak eɗitten ena daakkulnu nuhigppa gottem. Nug he, wan laappan danab ah ag da waalppa daatteb.

Sam 54:7

Da anam hekkulnu diig am, da uugppa daaiyi, na da ehaniɗe, qagaiettak ii aomi. Ao, na da ehaniɗe, dahil kekeɗ eɗadmi.

Sam 18:48

Ge, Yawe Nug da dahil kekeɗ dilagppan ehaniɗe, da padal ii mettem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

Sam 18:25

O Yawe, danab ag oo metta ii uuak kobol dim lamidtteb amu, na amu dilag, na oo metta ii uuak kobol dim lamidttem ag ippunadttem. Ao, danab ag oolagppa nahip neekkakppa kaliak laa iitta ele daatteb amu, na amu dilag, na ootppa kaliak laa iitta ele daattem ag ippunadttem.

Sam 18:1

“Yawe, na am dahil ɠagattag, da nahipnu ool mauhtte.

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

1 Samuel 18:30

Keeke amu oh dimppa, haen kuɗum Pilistia huu ag uɗieg, Israel ele ban heppig. Am haen oh ag anam heppig amu, Dawit nug ban hak kobol nuhig haaha, nug Saulnu ban daup ikki laa oh, nug amu dilag ban haknu kobol eɗidttom amunu, Israel danab ah oh ag nug am anam doon, nuhignu enanagnab dooppig.

1 Samuel 24:16

Dawit nug Saul amegppa anam mattie amu, Saul nug aum. “Da danab laa baag doomi amu, o da bekkal Dawit, amuam nate baat?” Saul nug anam awowa, nug naɗi gayom.

2 Samuel 4:9

Aa anam apiɗ amu, Dawit nug oɗelahppa awa, Berot danab Rimon bekoɗ, Rekap, Bana ele amelahppa aum. “Yawe Nug ehaniɗe, uug oh dahilppa bette da eɗidttem amu, Nug genab bau daatte, genab amubia,

Sam 34:20

Yawe Nug genab tutukku hak danab amu dabmatta atognoadtte. Ao, Nug anam heehe, genab tutukku hak danab ebehilag laa ii qiitte.