1 Samuel 26:21 - Nobonob Baibel

²¹ Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.

1 Samuel 26:21 Referans Kwoze

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

1 Samuel 15:24

Samuel anam a, amu Saul nug aum. “Genab, da hipunin hemi. Aɗinu? Da Yawenu haknunab anak, amu na oɗen ele dim ii lamidmi. Da dahilad daup baɗadmi amunu, da ahilag nai dim lamidmi,

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

1 Samuel 15:30

Samuel anam a, Saul nug aum. “Da hipunin hemi, amge dahilad danab ah Israel, amu dilag ikki danab, amu Israel laa oh ele, ag dahilnu eheɗ doomnanu, na ag noolagppa dahil nai imu dim lamidnana, amuppa na binal mekkutnu oɗ medattem. Dahil nai am inam. Da Kayak noobppa dup noin binag mekkulnu amu, na da ele oh eɗuɗ, Yawe, nahip Kayak, Nug binag mak abenppa goɗu!” awa aum.

Sam 116:15

Yawe Nug danab ah nuhikkud ag nuhignu oo metta ii uuak kobol dim lamidtteb ele, Nug amu dilagnu oo mauhtte. Ag mauhegeg, Nug keeke hamu, keeke nakokib iinab dootte.

Sam 49:8

Danab laa nug layag mauhmanu en okkaippa ehanitteb, qagaiettak amuppanu uhuqkkunu hekku amu, nug en okkainabppa hekkunu daalo, amge laa nug en naɗinab amubia ele am iitta amunu, laa nug layag enppa ehanitteb, ii mauhmanu hekkunu elele iitta.

1 Samuel 27:4

Dawit aakku Gat dayeye, laa ag amunu Saul amegppa aeg doya, nug baula Dawit mattia aɗakkunu ii oiyom, iitta.

1 Samuel 26:24

Antte! Gemu da bau dayak nahip am keeke okkai dabmein, da keeke eheɗ laa nahipnu ii hemi; anamib Yawe Nug bau dayak dahilnu ele dabmaama, haen dahilppa uug betteb, am geha Nug da ehaniɗeb, da uug amu eɗadkkulnu ool daatte,” awa aum.

1 Samuel 18:30

Keeke amu oh dimppa, haen kuɗum Pilistia huu ag uɗieg, Israel ele ban heppig. Am haen oh ag anam heppig amu, Dawit nug ban hak kobol nuhig haaha, nug Saulnu ban daup ikki laa oh, nug amu dilag ban haknu kobol eɗidttom amunu, Israel danab ah oh ag nug am anam doon, nuhignu enanagnab dooppig.

Namba 22:34

Engel anam a amu, Balam nug Yawenu engel amegppa aum. “Da hipunin qemi. Aɗinu? Na da eheɗ hepanu ibppa daanna, dahil ib keldona daame amu, da ii doomi. Gemu, na da gokkulnu ootppa ena ii doottem dayeb amu, da eɗue gokkul,” awa aum.

1 Samuel 26:22

Saul nug anam a, Dawit nug nob ma aum. “O king, ban gudkkud nahip am iikku daatte. Na nahip danab laa meppe uɗia, awa ukkaɗ!

Sam 72:14

Nug ag ehanatteb, ag laa ag ɠagattag ele, ag ag eppelagppa ii daamna; laa ag guittak nau mauhnoak ii mattamna. Aɗinu? Nug ahilagnu, “Dahiladnab,” dootte.

1 Samuel 13:13

Saul nug Samuel amegppa anam a amu, Samuel nug eɗua, nug amegppa aum. “Na heme amu, amuppa na dabmak tutukku iittappa heme. Na Yawe, nahip Kayak, na nuhig nai ii dim lamidme. Na dim lamidlom amu Nug heeb, na, amu na buɗun ele ag hanhan Israel gumalob.

2 King 1:13

Anam beum amu, king nug ban daup ikki laa, ban danab 50 laa ele, ag Elaiya omalna uɗiglagnu maatte goppig. Amge ban daup ikki ebqak ewam amu nug qauko amuppa ta, Elaiya guguitta ukka, laippun gateg qaun o, amegppa inam aum. “Kayaknu danab, na da dabmeɗan heppe, da ii mauhpan, danab imu ele anamib oo doyak ele oɗ medattem. Ig am nahip maɗi nid.

2 King 1:14

Da doottem, aab aɗu habppanu na, ban daup ikki danab aɗit, ahilti huu ele ewatte, iitta meppig. Amge na gemu da dabmeɗan heppe, da ii mauhpan oɗ medattem,” awa aum.