1 Samuel 26:19 - Nobonob Baibel

¹⁹ O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.

1 Samuel 26:19 Referans Kwoze

2 Samuel 20:19

Ig Israel danab ah oolagppa king waappa oo metta ii uuak kobol dim lamidtata, maɗoɗ ele dayaknu danabnab daattem. Aab okkai imuam Israel ooppa ah laa nug nid nuhikkud anilag daatte bia daatte, amge na aab imu heppe nauhkkunu hettem. Yawenu keeke ii daama, nuhikkudnab danab ah kuɗum ele ii daamnanu hettem,” awa aum.

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!

2 Samuel 14:16

Amu da imu ele dabmemi. ‘King nug dahil nai dookku amunu, Nug ehaniɗa, laa ag da, da bekkal ele nitappeg mauhɗa, i wan Kayak i aunih daakkunu metom eleppa ii daamɗanu hetteb ele amu, nug heeb, ag hekkulagnu elele iitta daaglag,’ dabmemi.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

1 Samuel 18:10

Aria, wagɗe deɗ amuppa ouɗi nau Kayak noobppanu ukka, wagainab ma, Saul uug nau mette, Saul nug nug laugppa dayeye, nuhig dabmak eɗitte, nai digdig mattiom. Nug anam heehe, Dawit nug haen oh Saul nug anam heehe, harp qeum amu, nug anam dayaya, harp qeeqe, Saul nug eppegppa ban gudkkud aɗa dayom.

Genesis 8:21

Mana mettette, Yawe Nug mana mettak amu muttuɗignu ooppa ena doya, Nug nukka, Nug ooppa inam aum. “Da danab dilag eheɗ hak amunu wan eheɗ laa awaknu anak waappa daakkunu memi imubia baula iinab hepa. Aɗinu? Da doottem, danab nug menuak haenppa ukka ukka, mauhak nuhigppa amu, keeke laa nug danab ooppa hipuninppa eeɗkkunu daatte. Amu laa ele, da hemi bia, da keeke oh bau daatteb ele amu, baula heppi, ii mauhmana.

2 Timoti 4:14

Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

Galesia 5:12

Am danab ag heeg, ag Galesia danab ag kaboliadtteb ele amu, danab nau amu ag, ag Galesia danab uuadna gokkulagnu, tamaniak ooppa ii daaglagnu, ool okkai daatte.

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

Aisaia 60:5

Ag amu anidna amu, ag oolag gamag eheɗ ahakku. Ao, ag gamag ahak naɗinab dooglag. Aɗinu? Wan laappan danab ag Yawe binag mekkulagnu yu qaɗeppa uɗina, en kuɗum aon uɗiglag. Ao, wan laappan danab ag Yawe binag mekkulagnu en okkai mawadna uɗiglag.

Prowerb 30:10

Aib laan maɗi nidnu onig nauhkkunu nai nau nuhig okkai amegppa mattime; na anam hekkut dayeb amu, maɗi nid nug na eheɗ laa awaknu anak waappa daakkutnu ab, na uug anidkkut.

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

2 Samuel 24:1

Yawe Nug Israel dilagnu baula oo nauhak huanak doya he, ⌊Satan nug⌋ Dawit Israel uug madakkunu, Dawit amegppa aum. “Na ahan, Israel danab ah, Juda danab ah ele ebaqe!” awa aum.

1 Samuel 25:24

Abigel nug anam hewowa, Dawit baegppa dayaya, nug Dawit amegppa aum. “O naɗi, kobol nau beum daattenu diig am daib. O naɗi, da am nahip uɗat hak ah, da na amenppa nai madikkulnu oɗ medattem. Na ena appe amu, da na amenppa appi, geha na nai dahil dookkutnu ool daatte.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

Genesis 44:18

Josep anam a amu, Juda nug Josep gumitta ukka, baula amegppa aum. “O naɗi dahil, na nahip maɗi nid da, da nai nakok appi dookkutnu ool daatte. Na am Paro bia daattem, amge na da, nahip maɗi nid, na dahilnu oot ii nauhmanu oɗ medattem.

1 Samuel 24:9

Dawit nug anam hewowa, nug Saul amegppa inam aum. “Danab ah laala ag da nahipnu eheɗ hekkulnu hettemnu maditteb amu, aɗinu na amu doon, amunu dabmettem? Na amu aib dabmettame!

1 Samuel 27:1

Dawit, Saul ele aa anam daapiɗ, amge deɗ laa Dawit nug nukka ooppa dabmak awa, inam dabmeum. “Da inamib daakkul amu, haen laa Saul nug geha da iweb mauhkkul. Amu ii bemanu da ahen, Pilistia wanppa ukken daakkul. Da anam heppi, geha Saul nug ippa Israel wanppa da mattiɗkkunu bahi yeeb, da Saul eppegppa ii wapa,” dabmeum.

2 Samuel 21:3

Dawit nug ag onilagppa e uɗieg, nug ag oɗ mattom. “Da ahilagnu aɗi hekkul? Ag ig Israel, ag ig ena itigkkulagnu amu, da aɗi kobol heppi, ag amuppa, ‘Nug kobol heum, kobol amu nug he, ihinig uug babaittak daatte,’ akkulag?” awa aum.

Namba 36:7

Wan da ag madattem imu, amuam aulag wan. Israel ooppa wan Israel dilag huu okkai laanu, am Israel dilag huu okkai laappa ii oma. Aɗinu? Anamppa danab anen anen Israel dilag huu okkai anen anenppanu amu, ag alalkad aulag wan am ahilagppaib daakku.

Namba 36:9

Wan amu, am ag aulag aakku; wan amuam Israel dilag huu okkai laappan, am Israel dilag huu okkai laappa ii wama. Aɗinu? Israel ooppa huu okkai anen anen ag wan akka ahilkad daappeg gumadkkulag.” Yawe Nug anam a, Moses nug anam mattiom.

Duteronomi 13:3

ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

Sam 20:4

Ig na oot unuqagppa aɗi keekenu oot hette amu, Yawe Nug na medakkunu oonig hette. Ao, Nug na ehanitteb, keeke oh na hekkutnu maittak aottem amu, keeke amu oh ena bekkunu oonig daatte.