1 Samuel 26:11 - Nobonob Baibel

¹¹ amge Yawe Nug da danab Nug king daakkunu goɗen gokkaɗakppa tituanom amu, da nug qeppi mauhkkunu matu aibnab aib aum daatte. Anam daatte amunu, na ban, le nippud nuhig ele, ikki guguittak daattep amu, na keeke aɗit amu diiatppe, i eɗuɗ gokkunih!” awa aum.

1 Samuel 26:11 Referans Kwoze

1 Samuel 24:6

Dawit nug Saulnu eheɗ heum, amunu dabmak huan qeum, ⌊amge nuhikkud danab ag nug Saul qeeb mauhkkunu eɗun appig⌋ amunu, Dawit nug ag amelagppa aum. “Yawe Nug Saul, dahil okkai, am nug Israel dilag king daakkunu goɗen gokkaɗakppa tituanom amunu, da nug iinab qeppi mauhma. Iittanab! Nug Israel dilag king daakkunu Yawe Nug goɗen gokkaɗakppa tituanom amunu, da nug heppi nauhkkunu aib okkainab aakku daatte,” awa amelagppa aum.

1 Samuel 24:12

Am Yawe Nug geha kobol dahil, amu nahip kobol ele awa, i oonihppa aun nug eheɗ hette anidkkunu i oh hettoɗitkkunu ool daatte. ⌊Nug anam ha, nug geha anidkku, da eheɗ ii hemi⌋, amu geha Nugib na eheɗ hemenu nob tutukku medakkunu ool daatte, amge da am, da keeke eheɗ laa nahip-ppa ii hepa.

2 Samuel 1:16

Aɗinu? Dawit nug nid amu amegppa tatam inam aum. “Na nakka, na, ‘Da danab laa, Yawe danab amu king daakkunu goɗen gokkaɗakppa tituanom amu, da nug qei mauhom,’ ame amunu, nahip nai amu na yaaittette, nahip mauhak na beɗunppa daatte,” awa aum.

2 Samuel 1:14

Nug anam a amu, Dawit nug nug oɗ mettom. “Yawe Nug Saul king daakkunu goɗen gokkaɗakppa tituanom, amu na attem hena, na nug qekkutnu ii baɗame?” awa aum.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 12:19

O lailadnab, laa ag ahilagppa eheɗ heppeg amu, ag nob nau aib meppig. Uuppeg, Kayak nukka heeb, nuhig oppoɗi bak amu, ag amu aoglag. Amuam Kayak naippa, nai daatte amubia. “Eheɗ haknu nob tutukku eɗua mettak uɗat am dahil. Da geha aun aɗi ag eheɗ hetteb amu, da nob nau madakkul.” Naɗi Nug anam atte.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

1 Samuel 24:4

Saul nug wan oɗe okkai amuppa noa dayeye, Dawitnu danab ag Dawit amegppa appig. “Yawe Nug anukka na amenppa inam aum. ‘Da geha nahip kekeɗ na eppenppa meppi, na attem hekkutnu oot daatte amu, na hekkut.’ Nug anam aum amu, gemu am haen Yawe Nug anukka amenppa aum aakku. Gemu nug na eppenppa aakku meum,” aon appig. Ag anam aeg, Dawit nug qinonobnab ukka, Saul guguitta wana, nuhig lamen elab nob honap nak amu nakok otaɗa awom.

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

Sam 17:4

Da nahip ɗo dim lamitti, ɗo amu heeg, layag guittak mettaknu tiilagppa daatte dilag kobol, da kobol amu ii hemi.