1 Samuel 24:10 - Nobonob Baibel

¹⁰ Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

1 Samuel 24:10 Referans Kwoze

Sam 105:15

Nug okkai danab amelagppa aum. “Ag dahilad, da goɗen gokkaɗakppa tituanadmi amu, ag amu dilagppa eheɗ laa aib heppig. Ao, ag dahil propet guittak aib madappig,” awa aum.

1 Samuel 24:4

Saul nug wan oɗe okkai amuppa noa dayeye, Dawitnu danab ag Dawit amegppa appig. “Yawe Nug anukka na amenppa inam aum. ‘Da geha nahip kekeɗ na eppenppa meppi, na attem hekkutnu oot daatte amu, na hekkut.’ Nug anam aum amu, gemu am haen Yawe Nug anukka amenppa aum aakku. Gemu nug na eppenppa aakku meum,” aon appig. Ag anam aeg, Dawit nug qinonobnab ukka, Saul guguitta wana, nuhig lamen elab nob honap nak amu nakok otaɗa awom.

Eksodas 21:13

Amge danab laa nug danab laa makkuɗeb mauhkku, amge nug doyaya ii heum, iitta, da Kayak, da amu bekkunu ib amu oo ii nemi amu, danab layag qe mauhom amu, nug oola ukka, aben da tituane ataɗkkul, nug amuppa wana daakku.

1 Samuel 24:9

Dawit nug anam hewowa, nug Saul amegppa inam aum. “Danab ah laala ag da nahipnu eheɗ hekkulnu hettemnu maditteb amu, aɗinu na amu doon, amunu dabmettem? Na amu aib dabmettame!

Sam 7:3

O Yawe, dahil Kayak, da kobol nau laala iikku ⌊yaakkulnu hettem⌋, da amu laa hemi dayeb amu, da aakku beɗulppa aab ele daattem.

Sam 7:4

Am da laa, nug dahilnu ooppa maɗoɗ dootte ele amu, da nuhigppa nau hak laa hemi dayeb, o dahil kekeɗ, nug dahilnu eheɗ laa ii heum, da nuhig keeke yab aomi dayeb amu, da aakku beɗulppa aab ele daattem.

Sam 125:3

Anam amunu, nau hak danab ag genab tutukku hak danab iinab hanhan gumadmana. Ag anam helob amu, genab tutukku hak danab ag eɗun, nau helobtai.

Lewitikas 19:16

Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

Esekiel 22:9

Jerusalem danab ah, ag oolagppan laa ag doonna hambuppun, laa eheɗ ii heppignu, “Ag eheɗ anam heppig,” anana, ag danab eheɗ ii heppig amu aqaeg mauhtteb. Ag oolagppan laa ag qaukoppan kayak hambuppuak dilag mettid lag nakokppa ee lanan, ag gappai heeb baknu kobol ele hetteb.