1 Samuel 23:9 - Nobonob Baibel

⁹ Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

1 Samuel 23:9 Referans Kwoze

1 Samuel 30:7

Dawit nug anam haaha, nug Ahimelek bekka, Abiatar, nug am mana mettak danab, nug inam amegppa aum. “Lamen enanag-epod aon uɗie!” awa aum. Nug anam a, Abiatar nug awa uɗiom.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Aposel 14:6

amge aa amu dooya, aa ahai oolya Likonia aab okkai aɗit, Listra Derbe ele, amu aab aɗit amu dilah wan taliliatak ele, aa appa goya oiya,

Aposel 9:24

Qagappig amge laa nug a, Saul nug nai amu aakku doyom. Juda ag nug qeppeg mauhkkunu amun tuqan ele meidna, ib aɗan aab okkainu aɗ odppa daappig,

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

1 Samuel 22:20

Doeg nug mana mettak danab amu oh aqe mauhppig, amge Abiatar, nug am Ahitup alag, Ahimelek bekka amu, nug Doeg eppegppanu oola, Dawit toppa, nug ele daaglahnu ukkom.

1 Samuel 14:18

Amu haen amuppa Kayaknu Tituanak Nainu Kunup Gibea appa, Israel dilag ban danab daappigppa dayom amunu, Saul nug Ahaiya, nug am mana mettak danab, nug nug amegppa aum. “Na Kayaknu Tituanak Nainu Kunup aon uɗie!” awa aum.

1 Samuel 23:8

Saul anam awowa, nug nuhikkud ban danab ele ag gona, Keila aab oo mettan, ag Dawit nuhikkud daup ele ban hekkulagnu nug nuhikkud ban danab oh onilagppa e, ag nug gumidna uɗippig.

1 Samuel 23:10

Dawit nug anam a, Abiatar nug lamen awa do, Dawit, nug inam unuqitta aum. “O Yawe, na Israel dilag Kayak, da am nahip maɗi nid. Genabnab genab, da Saul nug geha da iweb mauhkkulnu, nug Keila ippa uɗia, aab imuppan danab ah oh ele aqeb mauhkkulagnu maittak awom doomi.

1 King 2:26

Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.