1 Samuel 23:8 - Nobonob Baibel

⁸ Saul anam awowa, nug nuhikkud ban danab ele ag gona, Keila aab oo mettan, ag Dawit nuhikkud daup ele ban hekkulagnu nug nuhikkud ban danab oh onilagppa e, ag nug gumidna uɗippig.

1 Samuel 23:8 Referans Kwoze

1 Samuel 23:7

Dawit nug nuhikkud daup ele ag Keila appa anam hena, ag Keila appa daappig. Appa daaegeg amu, danab laa ag Saul amegppa, Dawit nug Keila daattenu appig. Aeg, Saul nug aum. “⌊Amu ena!⌋ Dawit nug aab laa, aab amuam aɗ ele, amu aɗ amuppa od oɗeppa od, manak qaknu keeke ele daye, nug amuppa daatte amunu, Dawit nug nukka maniguittom. Kayak Nug Dawit da eppelppa meum,” awa aum.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

1 King 2:26

Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.

1 Samuel 23:10

Dawit nug anam a, Abiatar nug lamen awa do, Dawit, nug inam unuqitta aum. “O Yawe, na Israel dilag Kayak, da am nahip maɗi nid. Genabnab genab, da Saul nug geha da iweb mauhkkulnu, nug Keila ippa uɗia, aab imuppan danab ah oh ele aqeb mauhkkulagnu maittak awom doomi.