1 Samuel 23:7 - Nobonob Baibel

⁷ Dawit nug nuhikkud daup ele ag Keila appa anam hena, ag Keila appa daappig. Appa daaegeg amu, danab laa ag Saul amegppa, Dawit nug Keila daattenu appig. Aeg, Saul nug aum. “⌊Amu ena!⌋ Dawit nug aab laa, aab amuam aɗ ele, amu aɗ amuppa od oɗeppa od, manak qaknu keeke ele daye, nug amuppa daatte amunu, Dawit nug nukka maniguittom. Kayak Nug Dawit da eppelppa meum,” awa aum.

1 Samuel 23:7 Referans Kwoze

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

1 Samuel 23:14

Amu Dawit nug nuhikkud danab ele ag atu taɗakppa oinna, ban haknu aben ɠagattag laalappa daana, atu taɗak onig Sip, qauko qauko daattebppa ele daappig. Ag anam oiyegeg amu, Saul nug haen oh Dawit mattia, dim lamitta oiyom, amge Kayak Nug Dawit ii paɗe, Saul eppegppa ukkom.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Eksodas 14:3

Ag anam hekkulag, aria Paro nug geha amu doya, nug geha inam akku. ‘Israel ag atu taɗak eɗidna, laih gokkulagnu ib laa ii anidtteb amunu, ag wan imuppa hamu talilin oitteb.’ Nug anam dabmekku.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

1 Samuel 23:8

Saul anam awowa, nug nuhikkud ban danab ele ag gona, Keila aab oo mettan, ag Dawit nuhikkud daup ele ban hekkulagnu nug nuhikkud ban danab oh onilagppa e, ag nug gumidna uɗippig.

Sam 31:21

Kekeɗ ag da iuppeg mauhkkulnu taliliɗeg, Yawe Nug miagib dahilnu oo mauhaknab kobol dim lamitta ha, da ehaniɗe, da ii mauhmi amunu, ig Nug binag attannab humatu!