1 Samuel 23:4 - Nobonob Baibel

⁴ Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.

1 Samuel 23:4 Referans Kwoze

Ikki Danab 7:7

Anam daye amu, Yawe Nug Gideon amegppa aum. “Laa oh maadppe, ag eɗun aabppa ukkeg! Da geha ehanidppi, danab 300 imu, na ele ag Midian danab eɗadna, Israel danab ah ag eppelagppan diiglag,” awa aum.

Josua 8:7

Ai ag anam heppeg, ig Israel laa ig ele anam hepput amu, ag lokkumna daaglag ele, ag amu anidna, ag ahilag haen aakku beum doon, ag ahan, ban hena, aab okkai amu eɗidna aoglag. Yawe, ahilag Kayak, Nug ag madakku.

2 King 3:18

Elisa nug nai amu awowa, nug tuɗitta aum. “Yawe Nug keeke imu hekkunu am uug iitta. Nug ag le madakkunu am keeke okkai iitta, am keeke nakoknab. Ele amu, Yawe Nug Moap ag eppelagppa maadkku.

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

1 Samuel 28:6

Saul nug anam baɗa haaha, geha nug attem hekkunu Yawe oɗ mettom, amge oɗmak amu nob mak amu, Yawe Nug tul niiakppa, o Urim, ⌊Tumim⌋ eleppa, o propet laa oɗeppa oɗmak nob laa ii mettom. Iittanab iitta.

Ikki Danab 6:39

Gideon nug anam hewowa, nug Kayak amegppa aum. “Da keeke laippu laanu oɗ medakkulnu ool daatte amunu, na dahilnu oo nauhak ii doomnanu oɗ medattem. Gemu da sipsip uɗigppa ma anttak laippu laa ele heppi, amu na heppe, sipsip uɗig qaɗaiettak dayebeb, wan amu baito qeeb, leppu qekkunu oɗ medattem,” awa aum.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 23:2

Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

1 Samuel 23:3

Yawe Nug Dawit amegppa anam a, nuhig ban danab ag goppeg, Pilistia daup ele ban hekkulagnu amu doon, ag eheɗ baɗan, Dawit amegppa inam appig. “Ehe, ippa Juda wanppa amu ⌊Saul nug iqakkunu hette amunu,⌋ ig baɗak nakok okkai doottem, amge ig Keila gota, Pilistia dilag daup ele ban hekkunig dayeb amu, ig baɗak huanak doognig,” aon appig.

1 Samuel 23:5

Yawe Nug anam a, Dawit nug nuhikkud ban danab ele ag ahan, Keila gona, Pilistia ban danab ameg appa daappig amu, ag ag ele ban heppig. Ag Pilistia ele ban hena, ag Pilistia kuɗum aqeg mauhatteg, makau keeke, ag agappig. Dawit nug nuhikkud ban danab ele ag anam heppig. Ag anam ehanatteg, Keila ag eheɗ, nau ii aoppig; iitta.

1 Samuel 30:8

Abiatar nug anam he amu, Dawit nug Yawe oɗ metta aum. “Da ag ele ban hekkunignu da ban danab amu dim lamadkkul, o iitta? Da ukke amu, da ag gumatte wakkul, o iitta?” Dawit nug Yawe anam oɗ mettom. Nug Yawe oɗ mette, Yawe Nug nob ma, amegppa aum. “Ao, na ag dim lamatte! Aɗinu? Na dim lamadna gona, geha na gona, ag gumadna wana, na danab ah aɗualadna diin goppig amu oh diiadkkut.” Yawe Nug anam aum.

2 Samuel 2:1

Amu Saul mauhe ukke, dimppa Dawit nug Yawe oɗ mettom. “Da eɗuen, Juda wanppa aab laappa ukken daakkul, o iitta?” awa oɗ mettom. Oɗ mette am Yawe Nug eɗua amegppa aum. “Ahan, anam hekkut,” awa aum. Nug anam a amu, Dawit nug oɗ mettom. “Ge, da aab attenppa ukken daakkul?” awa oɗ mettom. Oɗ mette amu, Yawe Nug aum. “Hebron gona daakkut,” awa aum.

Ikki Danab 7:9

Aria, tuqan amuppa, Yawe Nug Gideon amegppa aum. “Da geha Midian danab ag eppelagppa mekkul amunu, ag ahan, Midian ban danab aqaknu banelag noig!

1 Stori 14:10

Ag anam daappig amunu, Dawit nug Kayak oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Kayak anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.