1 Samuel 23:2 - Nobonob Baibel

² Dawit nug nai amu doya, nug Yawe oɗ metta aum. “Da Pilistia ban danab banelag gokkul, o iitta?” awa oɗ mettom. Nug Yawe oɗ mette, Yawe Nug nob ma aum “Ao, na gona, Keila danab ehanadna, Pilistia aqe!” aum.

1 Samuel 23:2 Referans Kwoze

1 Samuel 23:4

Nug nuhikkud ban danab ag anam aeg, Dawit nug eɗua ban amu attem hekkulagnu nug Yawe oɗ mette, Yawe nug amegppa aum. “Da geha na ehanidppi, na geha Pilistia amu eɗadkkut amunu, na ahan, Keila gona, Pilistia aqe!” Yawe Nug anam amegppa aum.

2 Samuel 5:23

Ag anam heeg, Dawit nug Yawe, nug aɗi hekkunu oɗ mette, Yawe Nug Dawit amegppa aum. “Tutukku, Pilistia noolagppa tena, ban aib heme. Iitta. Na taliliadna gona, dimulagppa tena, ad balsam kuɗum ag dimulagppa daatteb amunu, na aben amuppa tena, appanu Pilistia gukkuadna goppe, ag ele ban heig!

2 Samuel 5:19

Ag anam daappig amunu, Dawit nug Yawe oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Yawe anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

1 Samuel 30:8

Abiatar nug anam he amu, Dawit nug Yawe oɗ metta aum. “Da ag ele ban hekkunignu da ban danab amu dim lamadkkul, o iitta? Da ukke amu, da ag gumatte wakkul, o iitta?” Dawit nug Yawe anam oɗ mettom. Nug Yawe oɗ mette, Yawe Nug nob ma, amegppa aum. “Ao, na ag dim lamatte! Aɗinu? Na dim lamadna gona, geha na gona, ag gumadna wana, na danab ah aɗualadna diin goppig amu oh diiadkkut.” Yawe Nug anam aum.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

Josua 9:14

Gibeon danab ag anam aeg, Israel dilag ikki danab ag danab amu dilag bret italppig, amge ag amunu Yawe ii unuqidna, oɗ ele ii medappig.

Sam 32:8

Yawe inam atte. “Da geha na doyak medette, ib na dim lamidkkut ele ippunidkkul. Da geha nahip ulum mettak danab dayeye, dabmak ena medette, da na atognoidkkul.

1 Stori 14:10

Ag anam daappig amunu, Dawit nug Kayak oɗ mettom. “Da Pilistia banelag tekkul am enate? Da banelag teppi amu, na ag da eppelppa maadkkutte?” awa oɗ mettom. Dawit nug Kayak anam oɗ mette, Nug nob ma aum. “Da Pilistia na eppenppa maadkkul amunu, na te!” awa aum.

Ikki Danab 1:1

Josua mauhe dimppa amu, Israel danab ah ag Yawe oɗ mettan appig. “Israel dilag huu okkai atten am tatam banelag ukkeb, Kanan danab ele ban hekkulag?” aon oɗ meppig.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

1 Samuel 10:22

Ag ii anidppig amunu, ag Yawe oɗ mettan, “Danab amu nug uɗiom daattete?” aon appig. Ag oɗ mettaeg, Yawe aum. “Yo, nug ahilag keeke ooppa, nug nukka appa lokkumom daatte,” awa aum.

1 Samuel 23:3

Yawe Nug Dawit amegppa anam a, nuhig ban danab ag goppeg, Pilistia daup ele ban hekkulagnu amu doon, ag eheɗ baɗan, Dawit amegppa inam appig. “Ehe, ippa Juda wanppa amu ⌊Saul nug iqakkunu hette amunu,⌋ ig baɗak nakok okkai doottem, amge ig Keila gota, Pilistia dilag daup ele ban hekkunig dayeb amu, ig baɗak huanak doognig,” aon appig.

2 Samuel 2:1

Amu Saul mauhe ukke, dimppa Dawit nug Yawe oɗ mettom. “Da eɗuen, Juda wanppa aab laappa ukken daakkul, o iitta?” awa oɗ mettom. Oɗ mette am Yawe Nug eɗua amegppa aum. “Ahan, anam hekkut,” awa aum. Nug anam a amu, Dawit nug oɗ mettom. “Ge, da aab attenppa ukken daakkul?” awa oɗ mettom. Oɗ mette amu, Yawe Nug aum. “Hebron gona daakkut,” awa aum.

1 Samuel 14:37

Nug anam aum amunu, Saul nug Kayak oɗ mettom. “Ig banelag nota, Pilistia aqagnigte? Ig nota hepput amu, na ag ig eppenigppa mekkutte?” Saul nug anam oɗ mettom, amge Kayak Nug nai laa haen amuppa nug oɗeppa ii awa, amegppa keeke laa ii aum.