1 Samuel 23:16 - Nobonob Baibel

¹⁶ Dawit nug Hores dayeye, Saul bekka Jonatan nug Dawit gumitta ukka, ɠagattag qetta, Kayaknu ooppa genab doyak nuhig paɗamanu anana, Nug nai tuɗitta Dawit amegppa aum.

1 Samuel 23:16 Referans Kwoze

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

Luk 22:43

((Nug unuqitte, engel laa hab aabppanu na, ɠagattag metta ehanittom.

Nehemaia 2:18

Da anam awoya, da Kayak, Nug da enanag atognoiɗom, Nug ehaniɗe king nug aɗi aɗi nai da amelppa aum ele mattiyi doon, ag appig. “Ig ahat, aab imu bappaidtu!” appig. Ag anam anana, ag aakku uɗat ena amu hekkulagnu bappaidppig.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Prowerb 27:17

Danab laa nug aen maha laa awa, aen maha laa lahaɗtte bia; danab ag akka akka nug doyak medatteb.

Duteronomi 3:28

Amge na Josua, nug geha danab ah imu anuqa omalatteb, ag Jodan le mataɗna, nug geha wan na gemu amenppa anidkkut ele, nug danab ah ehanatteb, ag wan amu aoglag amunu, na aakkude nug amegppa nug, amu genabnab genab hekkunu anana, ɠagattag mette!” Yawe da amelppa anam aum.

Job 16:5

Ag da daattem bia daalob, da anam hekkulnu elele daalom, amge da anam ii helom. Iitta. Da ag oolag ɠagattag qettalom. Ao, da oɗelppa ehanittak nai madippi, ag oo mak aon, ag oolagppa guittak okkainab ii doolob.

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

1 Samuel 23:15

Amu Dawit nug ukka, aab laa onig Hores, Hores am atu taɗak onig Sip, appa dayom amu, Dawit nug appa dayaya, deɗ laa nug Saul nug qeeb mauhkkunu uɗieye nai doyom.