1 Samuel 23:1 - Nobonob Baibel

¹ Aria, haen laappa, laa ag Dawit amegppa inam appig. “Pilistia ban danab ukkaeg, Israel dilag aab onig Keila, ag ag ele ban hetteb. Ag ban henana, Israel ag ee aeg dattanu maɗ imunu aoppig ele amu, ag amu aotteb,” appig.

1 Samuel 23:1 Referans Kwoze

Josua 15:44

Keila, Aksip, Maresa ele. Aab amu oh ebqak amu eblaih waɗele. Aab amu taliliattak aab naunau daappig amu, ag amu ele madappig.

Maika 6:15

Ag keeke eppaglag, amge ag meu ii aomna. Ag olip meu tappaglag, amge ag goɗen laa aon, beɗulagppa ii laidmana. Ag grep meu titiglag, amge ag wain aon, ii lamana.

Ikki Danab 6:4

Ag haen tutu dayaknu aab wan amuppa kaladna, ag keh keeke, heeg nauha ukka, Gasa waum. Ag heeg, Israel ag aɗitai laa lakkulagnu iitta daappig. Ag ahilkad sipsip, makau, amu donki keeke, ag amu oh diippig.

Duteronomi 28:51

Wan amuppan ban danab ag doɗ manan nalkad, ee ele oh lappeg, ag Israel, ag geha enug aqeb mauhkkulag. Ag ee aeg, wain bau, olip goɗen, makau nag laa, sipsip nag laa ele iinab uuppeg daakku amunu, ag nauhkkulag.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Lewitikas 26:16

da geha ag bu madakkul. Da heppi, ahilagppa baɗak eheɗ nau laippun ahatte amu, ahilagppa bekku. Oɗe, danab beɗu he nauhtte, amu geha ag aqakku. Am geha beɗu gakkaɗak nau, danab ameg he nauhtte, am danab qe, nug qinonob mauhtte, beɗu gakkaɗak amu ag aqakku. Ag ee eppaglag, amge ag hamu hekkulag. Aɗinu? Kekeɗ ag uɗin, aon lakkulag.

Ikki Danab 6:11

Yawe Nug propet oɗeppa Israel danab ah anam amelagppa ana male, Kayaknu engel nug na, Opra aabppa ad ok waappa heɗep na dayom. Ad amuam Joasnu. Joas nug am Abieser buɗubppan danab laa. Midian danab ag nug anidmananu, Joas bekka Gideon nug grep meu tappa leppu awaknu abenppa wit mumuɗaɗa dayom.

Daniel 2:35

Men baeg wan tabatte ye, baeg amu nauha autanab awewe, men he, aen, wan, bras, silwa, gol ele huppu nakok nakok, uug iittanab ne, ulah iwale ukke, huppu nakok laa appa ii dayom. Danab nug ee aeg mumuɗaknu haenppa he, ulah ee aeg dappunkkeg iwale gotte, amubia dottog amuppa heum. Men dottog baeg anam ye, kobol anam dottogppa beum, amge men amu okkai maama, wan atu oh tona malom.