1 Samuel 22:1 - Nobonob Baibel

¹ Dawit nug anam he, king aum amunu Dawit nug aha, Gat uua, oola ukka, aab Adulam guguittak, wan oɗe laappa dayom. Dawit nug ukka dayeye, nug awakkud, amu nuhigppan laa ele ag nug appa daatte doon, ag ahan ukkaeg, oh appa daappig.

1 Samuel 22:1 Referans Kwoze

1 Stori 11:15

⌊Amu haen laa Pilistia dilag daup ag Israel ele ban heppig, haen amuppa⌋ Dawitnu ban daup ɠagattag ameg laa, Danab 30 atteb, danab amu oolagppanu danab ewam ag ahan gona, Dawit nug wan oɗe onig Adulam, nug amuppa daye, ag nug gumidna uɗippig. Pilistia danab ag oolnu noak onig Repaim appa haen tutu dayaknu aab kalan daaegeg, danab ewam ag neppig.

Hibru 11:38

Ag laala ag matatun gona, atu taɗakppa, danab appa iitta eleppa oiyegeg, laala ag gona, qaukoppa oiyegeg, laala ag men oɗeppa ele daappig. Wan imuppan danab nau ag ooppa genab doyak danab amu ele elele iittanab.

Sam 34:1

Da Yawe haen oh binag mekkul. Ao, da hanhan Nug binag mekkul.

Josua 12:15

Lipna dilag king, amu Adulam dilag king ele.

Maika 1:15

Yawe atte. “Da heppi, ban danab laa, nuhikkud daup ele uɗin, ag danab ah Maresa daatteb, ag ag eɗadkkulag. Eɗadppeg, Israel dilag king nug oola ukka, moɗ okkai laa onig Adulam, appa lokkumkkunu hekku.

Maika 1:3

Aɗinu? Antteg! Yawe Nug nuhig dayak abenppanu uɗitte. Ao, Nug nuhig aben uua, wanppa na, qauko igippa tappa oitte.

Josua 15:35

Jarmut, Adulam, Soko, Aseka,

Genesis 38:1

Aria haen gamag amuppa amu, Juda nug awakkud amakkud ele uuatta ukka, aab onig Adulam appa danab onig Hira ele daapiɗ.

1 Samuel 24:4

Saul nug wan oɗe okkai amuppa noa dayeye, Dawitnu danab ag Dawit amegppa appig. “Yawe Nug anukka na amenppa inam aum. ‘Da geha nahip kekeɗ na eppenppa meppi, na attem hekkutnu oot daatte amu, na hekkut.’ Nug anam aum amu, gemu am haen Yawe Nug anukka amenppa aum aakku. Gemu nug na eppenppa aakku meum,” aon appig. Ag anam aeg, Dawit nug qinonobnab ukka, Saul guguitta wana, nuhig lamen elab nob honap nak amu nakok otaɗa awom.