1 Samuel 20:41 - Nobonob Baibel

⁴¹ Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.

1 Samuel 20:41 Referans Kwoze

1 Samuel 18:3

Aria, Dawit nug aben Saul daatte, amuppa dayeye, Saul bekka Jonatan, nug nukka nuhignu oo mauhom, amubia nug Dawitnu oo mauhom amunu, nug Dawit ele aa nug tituana nai qakkak laa hepiɗ.

Genesis 29:11

Jakop nug sipsip le matta mala amu, nug Rahel ootuqittowa, nug gayom.

Aposel 20:37

Unuqitte amu, ikki danab ag oh huana gaanna, ag Pol oɗokkidna ootuqidppig.

2 Samuel 19:39

Aa anam mattiya malaeh, danab oh, King Dawit ele Jodan mataɗppig. King nug mataɗa, nug Barsilai ootuqitta, itittak ena mette, Barsilai nug eɗua, lakka ukkom.

2 Samuel 9:6

Ag Jonatan bekka Mepiboset, Saul alag amu, ag nug omalna uɗieg, nug Dawit toppa ta, nug Dawit binag mekkunu Dawit noobppa dup noa, ikki wan yom. Nug anam he, Dawit nug oɗ metta, “Na Mepibosette?” awa oɗ mettom. Oɗ mette Mepiboset nug aum. “Ao, da Mepiboset, nahip maɗi nid,” awa aum.

2 Samuel 1:26

O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

1 Samuel 25:23

Dawit nug anam aawo amu, Abigel nug uɗia, gumitta doa, nug Dawit antta, nug paha donki attannu oola na, Dawit noobppa dayaya, nug gateg qaun o, gomela, iɗu wanppa meum.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

Genesis 45:15

Gayoya amu, Josep nug awakkud oh ootuqattatta gayom. Anam hena malona, ag nai ena nug ele madippig.

Genesis 43:28

Nug anam oɗ matte amu, ag appig. “Ig mamenig, nahip maɗi nid amu, nug uppa uma ena daatte,” aon appig. Anam ana amu, ag Josep binag mettaglagnu, ag gatelag qaun ona, gomelna autna aona, iɗulag wanppa meppig.

Genesis 29:13

Laban nug Rahel Jakopnu mattie doya, nug aha, le moɗppa qaiqaɗ gumitta ukka, Jakop aɗa, ootuqitta, omala nug laugppa ukkom. Aa goya lakka daayya, Jakop nug keeke amu ohnu awig Laban amegppa mattia male amu,

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

1 Samuel 20:40

Nid bau lat doɗo mawa, Jonatan gumitta do, Jonatan nug lat tanig, lat doɗo ele mette mawatta, eɗua aab okkaippa gokkunu amegppa a ukkom.

Genesis 33:4

Jakop anam he amu, Esau nug qaiqaɗ gumitta uɗia oɗokkia, ootuqitte, aa oh gaapiɗ.

1 Samuel 24:9

Dawit nug anam hewowa, nug Saul amegppa inam aum. “Danab ah laala ag da nahipnu eheɗ hekkulnu hettemnu maditteb amu, aɗinu na amu doon, amunu dabmettem? Na amu aib dabmettame!

2 Samuel 1:2

deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Samuel 14:4

Joap nug anam he, Tekoa ah amu nug aha, King Dawit toppa ta, nug king binag mekkunu nug laippun gateg qaun o, gomela, iɗu wanppa ma, nug aum. “O dahil naɗi, dahil king, na ehaniɗkkutnu ool daatte,” awa aum.

1 King 1:16

Amu Batseba nug king gumitta noa, gomela auta awa, gateg qaun o, amu king nug Batseba oɗ mettom. “Na aɗi keekenu oot daatte?” awa aum.

1 King 1:23

Be, kingnu maɗi nid ag king amegppa appig. “Propet Natan nug uɗiom,” appig. Ag aeg, ⌊Batseba aha ukke,⌋ Dawit nug Natan dokkunu a, Natan nug king gumitta wana, gateg qaun o, gomela, iɗu wanppa meum.

1 King 1:31

Nug anam a, Batseba nug nai amu doya, nug gateg qaun o, gomela auta awa, iɗu wanppa ma, nug king amegppa aum. “Da na, dahil okkai King Dawit, da na hanhan daakkutnu ool daatte,” awa aum.