1 Samuel 20:21 - Nobonob Baibel

²¹ Da lat doɗo ewam geha eppi ukkeb, da nid bau, nug da ele uɗignih amu, da geha nug amegppa, ‘Na gona lat doɗo mattin anidna, aon uɗie!’ appi dookku. Da geha nug amegppa anam appi, haen nug lat doɗo amu anadkkunu ukkebeb, da, ‘Neekke! Na lat doɗo eɗadna gome, ag miag iikku daatteb. Na eɗun dona uɗin, diin da gumiɗna uɗie!’ appi amu, aria genab Yawe Nug bauklel daatte, genab amubia na laa nug na eheɗ heidkkunu ii hette, laa na nitteb mauhkkutnu ii hette dookkut amunu, na uɗin, da aniɗe!

1 Samuel 20:21 Referans Kwoze

Amos 8:14

Danab ah ag kayak hambuppuak Samaria daatteb onilag diin, ahilag nai ɠagattag qedatteb, o ag, ‘Dan danab, ahilag kayak genab bau daatte, genab amubia,’ o ag, ‘Berseba appa kayak laa genab bau daatte, genab amubia,’ atteb amu, danab ah amu ag nena qena, baula eɗun ii ahamna.” Yawe Nug anam awa atte.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Jeremaia 5:2

Aab okkai amuppan danab ah ag ahilag nai ɠagattag qettaglagnu ag, ‘Yawe Nug genab bau daatte, genab amubia,’ atteb, amge ag nai amu hamu atteb. Ag ahilag nai amuppa ag aɗi keeke hekkulagnu maditteb, amge ag ii dim lamidtteb,” awa aum.

1 Samuel 20:20

Na gona, appa lokkumna daappe, ⌊aria dimppa haen da mamanu dabmak doye amu, da geha appa gokkul.⌋ Da ukke, amu keeke laa men heqoppa qaknu mak daalo, da lat doɗo ewam laa keeke amu qelomnu ewadppi gokkulag.

1 Samuel 20:22

Amge, da lat doɗo ewoya, da nid bau amu onigppa ein, ‘Neegna, na umanab ii gome. Lat doɗo nakok uma daatteb,’ eppi, aria na Yawe Nug na gokkutnu oo daatte amunu, na ahan gokkutoitte dookkut.

1 Samuel 20:36

Aa goya datta teya, Jonatan nug nid bau amu amegppa aum. “Da geha lat doɗo ewadkkul, amu haen da lat doɗo eppi ukkebeb, na qaiqaɗ gona, aon eɗun uɗie!” awa aum. Nug amegppa anam a, nid bau nug qaiqaɗ ugekke, Jonatan nug lat doɗo laippu e, umanab ukkom. Nid bau amu eɗitta ukkom.