1 Samuel 20:13 - Nobonob Baibel

¹³ Amge genab, mama nug na eheɗ heidkkunu dabmette dayeb amu, da na amenppa ii ain, da na elele oolna gokkutnu ii ehanidppi amu, aria Yawe Nug geha bu okkainab meɗakkunu ool daatte. Amu keeke laippu aakkuib am, Yawe Nug anukka da mamel ele daapiɗ bia, Nug na ele daaglahnu ool daatte.

1 Samuel 20:13 Referans Kwoze

1 Stori 22:11

Amunu, o da bekkal, Yawe Nug na ele daaglahnu ool daye, na aɗi aɗi hekkut amu, Nug ehanitteb, ena beeb, na nuhig lag, Nug Yawe, nahip Kayak, Nug aum bia buukkutnu ool daatte.

1 Samuel 17:37

Yawe Nug da ehaniɗe, laion, bea ele da ii iupiɗ, amubia nug da ehaniɗkku amunu, Pilistia amu nug da ii iuma,” awa aum. Dawit nug anam a, Saul nug nob ma aum. “Amu ena. Na goppe, Yawe Nug na ele goya, Nug na ehanidkkunu ool naɗi daatte,” awa aum.

Rut 1:17

Na adeppa mauhppe, appa da ele mauhppi, boumiɗkkulag. Keeke laa wan imuppanu dayak ihinih ii otaɗma; mauhak aakkuib otaɗitkku. Da aɗi keeke dayak ihinih ii otaɗmanu nai ami amu, da heppi, meu ii beeb, Yawe Nug bu okkainab meɗakkunu ool daatte,” awa aum.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

1 Samuel 3:17

Samuel nug anam a amu, Eli nug oɗ mettom. “Kayak Nug na amenppa aɗi aum? Na nai amu aib lokkumme. Na nai amu nakok laa lokkumkkut dayeb amu, Kayak Nug bu okkainab medakkunu ool daatte,” awa aum.

Pilipai 4:9

Amu kobol oh da ag ippuanatti aoppig amu, kobol oh dahilppa ag anidna dooppig ele amu, ag hanhan heig! Ag anam heppeg amu Kayak, Nug am maɗoɗnu diig, Nug ag ele daaglag.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

1 King 20:10

Ag gona, Benhadat amegppa anam aeg, Benhadat nug doya, nug nai laa Ahap dookkunu me ukkom. Nai amuam inam. “Da heppi, dahilad daup ag danab nug wan paduduɗe, kalu nette, ag Samaria aabnu anam bia heppeg, Samaria nauheb, aab amu oh kalu daalo amu, kalu amu oh dahilad daup ag eppelkadppa aɗaglagnu elele. Ag eppelkad am-ii-bema. Da amu heppi, meu ii beeb amu, kayak laala ag bu okkainab meɗaglagnu ool daatte,” awa aum.

1 King 19:2

Nug a doye amu, Jesebel nug nai inam me, Elaiya toppa ukkom. “Na gemu dahil kayaknu propet kuɗum aqee, ag mauhppig daatteb amunu, da heppi, butti haen inamppa batak amu, na ag oolagppanu laa daatte bia ii daakkut dayeb amu, kayak laala ag bu okkainab meɗaglagnu ool daatte.” Nug nai amu me ukkom.

2 Samuel 19:13

Aa Juda dilag ikki danab amelagppa anam awoya, aa Amasa amegppa ele inam apeɗ doyaɗ! ‘Na da ele, i tiig laippunu, amu da heppi, na Joap abenppa daan, dahil ban daup ikki anuqak hanhan daakkut. Da anam ii hekkul dayeb amu, Kayak Nug bu okkainab meɗakkunu ool daatte.’ ” Dawit nug nai amu Sadok, Abiatar ele dooglahnu me ukkom.

2 Samuel 7:15

Da heppi, laa ag bu anam mettalag, amge da na bekkat amu, da dahil oo mauhaknab kobol nuhigppanu aɗitten ii aopa. Da Saul, nug king daamanu na noomppa lamidmi amu, da oo mauhaknab kobol dahil nuhigppanu aɗitten aomi, amge da na bekkatnu anam ii hepa. Iitta. Da hanhan nuhignu oo mauhaknab kobol dookkul.

2 Samuel 3:35

Ag amu hena malona, ag oh uɗin, Dawit nug paha amunppa ee nakok lakkunu duttunna appig, amge Dawit nug nob ma, nuhig nai ɠagattag qetta aum. “Da aam ii noumppa bret nakok lakkul dayeb, o iitta da aɗi ee laa nakok laa aam ii noumppa lakkul dayeb amu, Kayak Nug bu okkainab meɗakkunu ool daatte,” awa aum.

1 Samuel 25:22

Gemu digmak ukkeb, wagɗeb butti buttua batak amu, da Nabal, nug baekkudppan nid danab, nuhikkud maɗi nid, ag bekkalkad ele amu, da danab amu ohnab ii aqakkul, da laippu laa uuppi, bau daakku dayeb amu, Kayak Nug bu okkainab meɗakkunu ool daatte!” awa aum.

1 Samuel 18:12

Yawe Nug Saul ele tatam daapiɗ, amu gemu Nug Saul uuitte, nug ele ii daattep, amge Nug Dawit ele daattep amunu, Saul nug Dawit baɗittom.

1 Samuel 14:47

Amu Saul nug Israel dilag king ba daye, nug nuhikkud daup ele ag Israel dilag kekeɗ oh ele ban heppig; kekeɗ ag ele ban heppig, amuam Moap danab, Amon danab, Edom danab, king laala ag Soba wanppa daappig, ahilkad daup ele, amu Pilistia danab ele. Saul, nuhikkud daup ele ag ban amu hena, kekeɗ eɗadppig.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 19:3

Na appa lokkumna daappe, am da butti geha da mama omalppi, dad na lokkumna daakkut ele, i amuppa gokkunih. Ii goɗa hippaidɗa, anam daaɗɗa, ii nahipnu mattignih. Ii mattiɗɗa, mama nug aɗi ab doyen amu, dimppa da na amenppa akkul,” awa aum.

1 Samuel 20:12

Aria aa ahai, aab okkai dimittim dad okkaippa goya, amu Jonatan nug Dawit amegppa aum. “Da Yawe, Israel dilag Kayak, da Nug noobppa imu hekkulnu iikku madittem. Butti, o laatu amu, da geha nahipnu mama oɗ medakkul. Oɗ medappi, nug nahipnu ena akku amu, da na appi dookkut.

1 Samuel 20:14

Amge da paha ii mauhkkul dayeb, ⌊amu dimppa na king bena,⌋ geha na Yawe hette, amubia na oo mauhaknab dahilnu doon dim lamidna ehaniɗppe, da duug wakppa ii mauhpanu oɗ medattem.

1 King 1:37

Amu Yawe Nug am haen oh na ehanittette, na ihinig king daame amu, amubia Yawe Nug Solomon ele nug ehanittatta heeb, nug king ena, ɠagattag ele ba, onig ele okkai beeb, na onin okkai ele daame, amu eɗidkkunu ool daatte,” awa aum.