1 Samuel 2:30 - Nobonob Baibel

³⁰ Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

1 Samuel 2:30 Referans Kwoze

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Eksodas 29:9

ikkilagppan lamen ele ikkilagppa itan, imualagppan lamen ele qakkalatte! Aron, nug bekkod ele ag mana mettak danab daanna, aria danab amu ag, amu ag bekkalkad, alalkad, buɗulkad uma ukkak, nid danab geha mana mettak uɗat amu agib hanhan hekkulag; ɗo anam daatte. Na Aron, nug bekkod ele ib amuppa baɗ madakkut.

Sam 91:14

Yawe Nug atte. “Na dahilnu oot mauhe, da gukkuiɗaknab daattem amunu, da geha na ehanidppi, na qagaiettakppa ii daamna. Ao, na da dooiɗttem amunu, da geha na atognoitte dabmedakkul.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Sam 18:20

Da kobol genab tutukku ele dim lamittitti, Yawe Nug da ehaniɗe, da padal ii memi. Ao, da eheɗ haknu uuen, ii hei, Nug ehaniɗa, nob ena meɗom daatte.

Jon 8:49

Aeg am Jesus oɗelagppa awa aum. “Da oolppa hahail iitta. Da amu, da Mamel binag humattem, amge ag da binal qeeg nette.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Namba 11:20

Iitta! Geha ag kalam laippu, ag kalam amu ohppa teppu amu lakkulag. Ag geha lanakib lanan daappeg, bahilag yeeb, gahag bak doon, baula teppu amu anidna lakkulagnu uun autna aoglag. Anam bekkunu diig amu, ag Yawe, ag ele daatteb amu, ag Nug dimedappig. Ag Nug noobppa gaanna, ‘Aɗinu ig Isip uut, ahat uɗimut?’ aon appig,” awa aum.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Jon 5:44

Ag am lailkad dilagppa binalag okkai aoglagnu hetteb, amge binalag laa, Kayak toppanu uɗitte ele, ag amu aoglagnu ii hetteb amunu, ag attem hena, oolagppa genab dooglag?

Namba 35:34

Da, Yawe, da ag Israel danab ah oolagppa daattem amunu, ag wan ag daattebppa, da ele daattemppa, ag wan amu aib heppeg, dahil neekkakppa dubuttid tak ele dayom.” Yawe Nug anam aum.

Ikki Danab 9:10

Olip ad nug anam a amu, ag ad fig amegppa appig. ‘Na uɗin, ihinig king daye!’ aon appig.

Eksodas 28:43

geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

1 King 11:11

amunu, Yawe Nug Solomon amegppa aum. “Doye! Na nakka nahip dabmak dim lamidna, na da ele nug tituanɗa nai qakkamuɗ amu, na amunu dab-ii-meeme, na tituanak amu tippalme, dahil ɗo ele, na dim lamidkkutnunab ami amu, na ii dim lamidme. Anam daye amu, da genabnab, da nahip king uɗat amu aɗitten, na geɗittoya, nahip king uɗat amu awe, nahip ehanittak laa medappi, nug king dayebeb, na geha baula wan imu ii gumamna.

Sam 73:20

Ahilag bau dayak gemunu am danab ag tulppa keeke anidtteb, am amubia daatte. Ag ahatteb haenppa amu iitta mette. O Naɗi, na ahappe amu, nau hak danab ag wan imuppa baula ii daamna. Laa ag ippa baula ii anadmana.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 4:8

Na doyak dabmak ena elenu keeke anuqak dookkut dayeb amu, doyak dabmak ena ele amu heeb, na onin okkai ele daakkut. Ao, na doyak dabmak ena elenu oot huana daakku dayeb amu, diig amunu doyak dabmak ena ele heeb, na binan ele daakkut.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Jeremaia 29:32

da genabnab genab Nehelam baekkudppan laa, Semaia, amu nug buɗub ele bu madakkul. Nug ag dahil nai tabappeg nekkunu nai mattiom amunu, da heppi, nug, amu nug buɗub oolagppan laa nug dayaya, kobol ena da dahilad danab ah dilagppa hekkul anidkkunu ii daama. Iitta! Ag oh tatam iitta mekkulag.” ’ ” Yawe Nug Semaianu anam awa atte.

Esekiel 34:10

Naɗi Yawe Nug inam atte. “Da dahilad sipsip gumak danab dilagnu, da ahilag hak amunu da eheɗ doyeye ool ii madattem. Ag eheɗ hetteb, eheɗ hak amu ag beɗulagppa daatte amunu, da ag bu madakkul. Da heppi, ag sipsip gumak danab ag sipsip dilagppa keeke aon, beɗulag ehanidtteb amu, ag amu tuɗidna hemananu ag baula dahilad sipsip gumak danab ii daamna. Da sipsip dahilad ehanatten heppi, sipsip ag danab nau amu eppelagppa ii daamna. Gumak danab nau amu ag baula dahilad sipsip dilag ag, ‘Ihinig ee,’ dabmenana, ii aqan lattamna,” awa atte.

1 King 2:27

Solomon anam aum amunu, nai amuppa amu Solomon nug Abiatar Yawenu mana mettak uɗatppanu lamittom. Solomon nug Abiatar lamittom, amuam Yawe Nug anukka Silo aabppa mana mettak danab Eli, nug baekkudppa ele, amu oh dilagppa uug bekkunu aum amu, nai amu aakku elele mettom.

1 Stori 17:18

O Kayak, da Dawit, nahip maɗi nid amu, da aɗi nai laa na amenppa madikkulnu daatte? Iitta. Na hettem amu, amuppa na aakku binan meɗattem. Na da dooiɗttem.

2 Stori 26:18

Ag nug dim lamidna gona, ag nug amegppa appig. “Usia, na hettem imuam tutukku iitta. Kalu danab ile, muttuɗig enanag bettenu uɗat am nahip iitta. Iitta! Am mana mettak danab, Aron buɗub, ag Yawenu tituana mettak daatteb amu, am amu dilag uɗat. Anam amunu na eɗun, Kayaknu mettid lag dimittim gokkutoitte! Na Yawe Kayak ippunittomnu oo metta ii uuak kobol ii dim lamidna, eheɗ iikku heme amunu, Nug na binan ii mettama,” aon appig.

Sam 18:26

Danab ag oppiak ele daatteb amu, na amu dilag, na am oppiak ele daattem ag ippuandttem. Ge, na anam hettem, amge na hipunin danab ah, ahilag kobol kaliak ele amu, na ag geɗadttem.

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Jeremaia 49:15

Amu gemu Yawe Nug atte. “Esau buɗub, da heppi, ag wanppan wan oh oolagppa nakoknab daaglag. Danab ag ahilagnu ena iinab dooglag.

Malakai 2:3

Ag eheɗ henan oitteb amunu, da ahilag hak nau amu dabmein, da diig amunu ag buɗulkad daulag batakkul. Da ag mana mettak danab, ag qagmak gamag ahak ele haenppa doɗ main, da meɗatteb ele, da doɗ amunu biig awen, ag iɗulagppa meppi, laa ag ahilagnu kinipan, dubuttid nau ele bia dooglag.