1 Samuel 2:17 - Nobonob Baibel

¹⁷ Aa anam heyaya daadpiɗ, amge Yawe Nug kobol amunu ena ii doyom. Iitta. Nuhig neekkakppa amuam hipunin okkainab. Aɗinu? Doɗ ittag Yawenu amu, nid aɗit amu aa mana mettak amunu, aa keeke hamu bia doopiɗ.

1 Samuel 2:17 Referans Kwoze

Malakai 2:13

Imuam keeke laa ag danab ah Judanu, ag hetteb. Yawe Nug ahilag mana mettaknu ii dabmette, Nug amunu ena doya ag eppelagppanu ii aotte amunu, ag gaanna, mahinna, ag Yawenu qaɗab amelag lebppa haut-tteb.

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Genesis 6:11

Noa nug anam dayeye, wanppan danab ah laa oh amu, ag Kayaknu neekkakppa kobol nau uɗig wak ele heegeg, laa guittak nau mauhnoak mettak kobol am ele wanppa ambak dayom.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Aisaia 3:8

Anam bekkunu diig am, Juda danab ah oh, laa Jerusalemnu, laa Juda wanppa laih laihnu amu, ag ahilag hakppa, ahilag mattiak ohppa ele ag Yawe, Nug binag amahlak oppiaawak ele, ag Nug noobppa Nug waappa daaglagnu uuna, ag nuhig nai tappaeg nette amunu, Jerusalem danab ah, ag taataɗ qeppig. Ao, Juda danab ah, ag nena qeppig.

Sam 51:4

Da hipunin na, nahip-ppanab hemi. Ge, da nahip neekkakppa eheɗ hemi. ⌊Amu genab, da hipunin laa dilagppa hein, ahilagnu eheɗ hemi, amge diigppanab⌋ da hipunin nahip-ppa hemi. Ge, da nahip neekkakppa eheɗ hemi. Da hipunin hemi amunu, na Kayak, haen na dahilnu, “Na hipunin heme,” attem am, na tutukkuib attem. Yo, haen na da hettoɗiakppa meiɗna, na kobol tutukkuib hettem.

2 King 21:6

Manase nug amu ha, nug bekka mana, kayak hambuppuak laa mettom. Nug amu ha, nug emaɗ kobol, eman kobol ele dim lamitta, nug mauhak ele gamag danab, mauhak ele mattiak danab ele gumatta ukka, doyak mettaglagnu oɗ mattom. Nug Yawenu neekkakppa kobol eheɗ iɗu iɗu kuɗum heum. Manase nug hipunin huanak kuɗum amu Yawe noobppa haaha, amuppa nug he, Yawe Nug oo huana nauhom.

Genesis 10:9

Keeke laa amu, nug Yawe noobppa hikan danab okkai dayom amunu, haen amu dimppa ag danab laippu laippu dilag inam adappig. “Nug amu, nug Yawe noobppa hikan danab okkai, Nimrot bia,” aon adappig.

1 Samuel 2:16

Maɗi nid nug anam a, mana mettak mameg nug, “Na teppu bau aokkutnu am nai iitta, amge tatam laa ittag mana, Kayak metteb, dimppa na teppu aɗi aokkut amu, na aokkut,” ab amu, maɗi nid nug eɗua, inam akku. “Iitta! Geha iikkunab na teppu amu da meɗe! Na ii meɗakkut dayeb, da wagai mein aokkul,” awa akku. Nid aɗit amu, ahilah maɗi nid ele, ag anam hedappig.

1 Samuel 3:13

Ge! Eli bekoɗ aa eheɗ nau heyaya, da noolppa, amu Israel danab noolagppa ele aa danab nau daaeheh, Eli doyom, amge nug aa ii hemayanu aa daulah elele ii batom amunu, da nug amegppa, da nug, amu nug buɗub dilagnu ele oh epeɗiatten, uug madakkulnu ami.