1 Samuel 19:5 - Nobonob Baibel

⁵ Haen Dawit nug Goliat, Pilistia ted, nug ele ban heya, nug daakku, o nug mauhkku, nug amunu ii dabmeum. Iitta. Yawe ehanitte, nug ban ha, Pilistia amu qe mauhe, nug Israel aɗi oh ehanatte, ag ban naɗi amu eɗidppig. Dawit nug amu he, na nug anidna, na nuhignu gaman ahom. Nug am eheɗ laa ii heum amunu, na nug qeppe mauhkku amu, na nuhigppa hipunin hekkut. Am aɗinu na diig ena iittappa anam hekkut?” Jonatan nug Saul amegppa anam aum.

1 Samuel 19:5 Referans Kwoze

1 Stori 11:14

Amge Dawit, Eleasar ele aa dad okkai amu gamagppa daayya, Pilistia ag aomnanu ban heyaya, Pilistia aqeh mauhppig. Yawe ehanate, aa aqeh mauhppig amunu, aa eppelahppa Yawe Nug Israel ehanittak okkai mattom.

1 Samuel 11:13

Ag anam appig, amge Saul nug aum. “Gemu Yawe Nug ig Israel ig ehanikka, ig Amon eppegppanu eɗua awikkom amunu, ig ikka laa qeppeg ii mauhma. Iittanab iitta!” awa aum.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

1 Samuel 20:32

Saul anam a amu, Jonatan nug nob ma mameg oɗ mettom. “Aɗinu geha na nug qeppe mauhkku? Nug aɗi eheɗ laa heum?” awa oɗ mettom.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Sam 119:109

Kekeɗ ag da hanhan iuglagnu hetteb, amge da nahip ɗonu ii daul atima.

1 Samuel 28:21

Saul nug anam he, ah nug gumitta wana, Saul nug huan eheɗ baɗeɗe antta, ah nug amegppa aum. “Danab okkai, da am maɗi ah nahip, na da imu hekkulnu oɗ meɗame amu, da hemi. Da dakka dahilnu dabmein, ‘Da nug attenu ii hepa,’ ii dabmemi. Iitta. Da mauhkkulnu ib oɗeppa dayeye, da na ame bia anam hemi.

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

Ikki Danab 12:3

Ag anam daaeg anttoya, da Amon ele ban hekkunignu, da beɗul maoi ukke, da ahe, banppa gomi. Da ahai, Yawe Nug da ehaniɗe, da Amon eɗadmi amunu, aɗinu ag da ele nug qekkunignu uɗippig?” Nug nai amu me ukkom.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

1 Samuel 19:6

Jonatan nug mameg amegppa anam a amu, Saul nug nuhig nai Kayak onigppa ɠagattag qetta, nug inam aum. “Genabnab genab, Yawe Nug bauklel daatte amu, genab amu bia da heppi, ag Dawit ii qeppeg mauhma,” awa aum.

1 Samuel 22:14

King Saul nug anam a amu, Ahimelek nug nai nob ma amegppa aum. “Nahipad maɗi nid oh ag nahipib dabmena oo metta ii uuak kobol dim lamidtteb, amge Dawit nug amu ha auta autanab aotte. Nug am na tanap, nug danab ag na gumidtteb ele amu, nug am amu dilag okkai. Laa ele, danab ah oh na lautppa daatteb, ag nuhignu ena elelenab dootteb.

2 Samuel 23:10

Amge Eleasar nug ii oolom. Iitta! Nug dayaya, qep elabppa Pilistia aqe mauhegeg, nug eppeg qep qaɗib aɗeɗe, dagta dayom; eppeg qep paɗakkun elele iitta. Nug anam he, Yawe Nug deɗ amuppa Eleasar eppegppa Israel ehanittak okkai mattom. Kayak ehanitte, Eleasar nug anam he, Israel dilag daup laa ag eɗun uɗippig, amge ban ii heppig. Iitta. Ban iitta meum. Ag eɗun uɗin, mauhppig dilag keeke amuib akkan, aon goppig.

Sam 94:21

Gumak danab nau ag genab tutukku hak danab hadappeg nauhkkulagnu, ag oohona daatteb. Ao, ag danab eheɗ laa ii heppig mauhkkulagnu atteb.

1 Stori 11:18

Dawit nug anam aum, amu daup nuhig ewam amu ag doon, ag gona, wagainab mena, Pilistia eɗadna, Betlehemnu le moɗppanu le aon, ag eɗun Dawit gumidna goppig. Ag nug gumidna gona, le mettaeg, Dawit nug antta, nug lakkunu elele ii doya, nug, “O Yawe, danab ewam imu ag mauhkkulagnu henana, ag le imu aon uɗippig amunu, le imuam ag tiilag bia. Da lakkulnu elele iittanab iitta,” awa aum. Nug anam ana, nug lanak uua, nug danab wain mana mettak qaɗeppa gokkaɗa, Kayak medatte, nug amubia wanppa gokkaɗom. Ban danab ɠagattagnab ewam amu, ag anam anam heppig.

Sam 109:5

Da ag ena hadattem, amge ag eɗun, da eheɗ heɗatteb. Da ahilagnu ool mauhtte, amge ag eɗun, dahilnu nau ninig ele dootteb.