1 Samuel 19:19 - Nobonob Baibel

¹⁹ Aa goya Naiot daaeheh, dimppa danab laa ag Saul amegppa, “Dawit nug Rama guguittak, Naiot appa daatte,” aon appig.

1 Samuel 19:19 Referans Kwoze

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

1 Samuel 26:1

⌊Dawit nug anam he, haen laappa amu⌋ Sip danab laala ag ahan, Gibea aabppa gona, Saul anidna, amegppa appig. “Dawit nug qauko nakok Hakila, qauko amuam Jesimonnu ulah yau uɗitteppanu daatte amu, nug appa lokkuma iite daatte?” aon appig.

1 Samuel 23:19

Aria, Sip aabppanu danab ah laala ag ahan, Gibea gona, Saul gumidna wana, inam amegppa appig. “Dawit nug ig oonigppa ban haknu aben ɠagattag laala Hores appa guguittak daatteb ele amu, nug appa daatte. Hores am qauko nakok onig Hakila, appa ana daatte. Hakila am Jesimonnu yau uɗitteppanu daatte.

1 Samuel 19:18

Aria, haen amu ag anam heeg, Dawit nug Saul eppegppanu oola, Samuel gumitta, Rama ukkom. Nug ukka ta, nug keeke oh Saul nuhigppa heum amu, nug Samuel amegppa mattie, aria dimppa aa Naiot goya, oh daapiɗ.

1 Samuel 19:20

Laa Saul amegppa anam aeg, nug danab laala maatte, Dawit aɗaglagnu goppig, amge haen ag gona, Naiot tena, ag propet huu laa ag propet nai mattiegeg anadppig. Samuel nug ahilag ikki, nug hibaitta dayeye, Kayak Ouɗi Nug Saulnu huu daappig, amu Nug ahilagppa uɗia he, ag digmena, propet nai madippig.