1 Samuel 18:7 - Nobonob Baibel

⁷ Ah ag ahi goɗanna, ahi inam edappig. “Haen kuɗum Saul nug danab 1,000 aqe mauhtteb, amge Dawit nug danab 10,000 aqe mauhtteb.” Ag anam anan ettanna goɗappig.

1 Samuel 18:7 Referans Kwoze

1 Samuel 21:11

Am Dawit nug ukka Gad aabppa teum, amge Akisnu maɗi nid ag Akis amegppa appig. “Danab imu nug am Dawit. Nug appag diigppanu king. Danab amu, nuhignu amu, Israel ah ag ahi goɗanna, ahi inam edappig. ‘Haen kuɗum Saul nug danab 1,000 aqe mauhtteb, amge Dawit nug danab 10,000 aqe mauhtteb.’ ” Ag Akis amegppa anam appig.

1 Samuel 29:5

Dawit imuib amu, ag ahi laa inam iite ettan goɗappig? ‘Saul nug kekeɗ 1,000 aqe mauhppig, amge Dawit nug 10,000 aqe mauhppig.’ ” Ag anam appig.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

2 Samuel 6:5

Ag anam nonana, Dawit, Israel laa oh ele daappig amu, ag oolag gamag huana ahehe, ag Yawe noobppa ahi huana ettanna, ag harp, laia, tambarin, sistrum amu simbal ele aɗan, musik ele huana heppig.

2 Samuel 18:3

Nug amelagppa anam aum, amge ag eɗun appig. “Iitta! Na ig ele aib gomut. Aɗinu? Apsalom aɗi ag ig eɗigna heppeg, ig oolkkunig dayeb amu, ag ihinignu dab-ii-memana. Ag iqappeg, ig kuɗumnab mauhkkunig dayeb amu, ag amunu keeke okkai ii doomna. Ag ig oonigppa danab 10,000 aqappeg, na bau daakkut dayeb amu, ag oolag gamag ii ahama, amge ag naib nidappeg mauhkkut amu, ag oolag huana gamag ahakku. Anam daamanu, na aab okkaippa ippa daanna, ippa na ehanikkak megakkut am ena. Na banppa gokkut am ena iitta,” aon appig.

1 Samuel 21:12

Ag Akis amegppa anam aeg, Dawit nug amu doya, nug nai amunu nuhig dabmakppa, am nai hamu bia ii dabmeum. Iitta. Nug amunu uugnab doyaya, nug Gat dilag king, Akis, nug nuhignu okkai baɗom.

2 Samuel 23:1

Imuam Dawit, nug nuhig mauhaknu haen miag daye doya, nug nai laa inam mattiom. Imuam Jesi bekka Dawitnu nai meunab ele. Ao, imuam Kayak Attannab Laa Oh Eɗattak Nug he, Dawit nug danab okkainab dayom, am nuhig nai meunab ele. Jakopnu Kayak, Nug Dawit king daakkunu goɗen gokkaɗakppa tituane, nug king dayom. Ge, Dawit nug Israel dilag ahi enanag ettaknu danab dayom.