1 Samuel 17:43 - Nobonob Baibel

⁴³ Nug anam dabmeum amunu, nug Dawit amegppa aum. “Da am qai laate amunu, na ad amuppa da oiɗkkutnu uɗime?” awa aum. Nug anam awowa, nug nuhig kayak hambuppuak onilagppa Dawit nug eheɗ laa awaknu anak waappa daakkunu aum.

1 Samuel 17:43 Referans Kwoze

2 Samuel 9:8

Dawit nug anam a, Mepiboset nug doya, nug dup noa, ikki wan ye, nug aum. “Da, nahip maɗi nid, da am aun, amu na ena anam heiɗkkutnu hettem? Da am qai mauhom bia aakkuib daattem,” awa aum.

2 Samuel 3:8

Isboset nug anam a amu, Apner nug oo huana nauhe, nug aum. “Da am qaitai? Da Juda ehanadkkulnu hettemtai? Da hanhan na mamen Saul baekkudppa, laikkud ele, da ahilagib dabmein oo metta ii uuak kobol dim lamidttem. Da na Dawit eppegppa mekkulnu elele, amge da ii hemi. Da amu hekkulnu elele dayeye ii hemi, amge gemu na da ah imu ele eheɗ hemuɗnu naippa yaaiɗna, da eheɗ heminu attem.

1 Samuel 24:14

Na am Israel dilag king, na danab ɠagattag laa ele ban hekkulahnu uɗimete? O na danab laa ebehi ele lamidkkutnu uɗimete? Iitta! Da am qai laa mauhom amubia. Da am keeke hamu laa, mi bia daattem.

Prowerb 26:2

Danab laa nug eheɗ laa ii heum, me danab ag nug eheɗ laa awaknu anak waappa daakkunu akkulag dayeb, nai amuam meu ii oma; nai amuam ai naunau ag hagagaɗna laih laih gona, aben laippuppa ii daatteb, am amubia, nai amu danab amu, nuhigppa ii daama.

2 King 8:13

Elisa nug nai amu mattie, Hasael doya, nug Elisa nai mattiom amu nob ma, inam oɗ meum. “Da, nahip maɗi nid, da qai laabia aakkuib amunu, da attem hein, keeke naɗi amu da anam hekkul,” oɗ meum. Oɗ me amu, Elisa nug amegppa aum. “Yawe Nug keeke imu da ippuniɗom; na geha Aram dilag king bekkut,” awa aum.

2 Samuel 16:9

Simei nug anam ana e ukke ukke, Seruia bekka Abisai nug King Dawit amegppa aum. “Dahil okkai, dahil king, danab amu nug danab ena iitta, qai mauhak bia daatte, am aɗinu ig nug uupput, nug na eheɗ laa awaknu anak waappa daakkutnu nai unam atte? Na appe, da wain, duug oppi, beɗu laih ukkebeb, ikki am laih gokku,” awa aum.

Genesis 27:29

Wanppan wan laalappanu danab ag na waatppa daaglagnu ool daatte. Ao, na amap, amu nug buɗuppud ele ag na waatppa daaglagnu ool hette. Danab laa nug na eheɗ laa anak waappa daakkutnu akku amu, nug eheɗ laa awaknu anak waappa daakkunu ool daatte. Amge danab laa nug itittak ena medakku amu, nug itittak ena aokkunu ool hette.” Aisak nug anam awa aum.

Namba 22:6

Amunu na uɗin, danab ah imu eheɗ laa awaknu anak waappa daaglagnu a! Aɗinu? Ag am ɠagattag huanak ele, dahil ɠagattag am elele iitta. Na anam heppe, da geha ag lamadppi, ag wan imuppanu ahan, oolna gokkulagtai. Na uɗin, amu hekkutnu ool daattenu diig am, da doottem, na laa ag itittak ena madattem amu, ag itittak ena aotteb, amu laa na ag eheɗ laa awaknu anak waappa daaglagnu attem amu, ag eheɗ laa awaknu anak waappa daatteb,” awa aum.

Ikki Danab 9:27

Amu Sekem appa ag maɗ maɗppa ee meu awaknu hobul hedappig, amu gemu haen imuppa, danab ah ag oh grep meu dattanu aon, wain hena, ag kayak appanu laugppa qagmak gamag ahak ele hena, ag ee, le ele lanan daanna, ag digmena, Abimelek nug eheɗ laa awaknu anak waappa daakkunu appig.

1 Samuel 14:12

Ag akka akka anam anana, ag Jonatan, amu nuhig bannu keeke mawaknu nid ele onilahppa eppig. “Aa ihinigppa uɗipeɗ, ig doyak tutukku matagnig!” aon appig. Ag anam aeg, Jonatan nug nuhig bannu keeke mawaknu nid amegppa aum. “Yawe Nug Pilistia danab amu Israel eppelagppa meum amunu, na da dim lamiɗpe teɗu!” awa aum.

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

1 King 20:10

Ag gona, Benhadat amegppa anam aeg, Benhadat nug doya, nug nai laa Ahap dookkunu me ukkom. Nai amuam inam. “Da heppi, dahilad daup ag danab nug wan paduduɗe, kalu nette, ag Samaria aabnu anam bia heppeg, Samaria nauheb, aab amu oh kalu daalo amu, kalu amu oh dahilad daup ag eppelkadppa aɗaglagnu elele. Ag eppelkad am-ii-bema. Da amu heppi, meu ii beeb amu, kayak laala ag bu okkainab meɗaglagnu ool daatte,” awa aum.

1 Samuel 24:15

Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.