1 Samuel 17:4 - Nobonob Baibel

⁴ Ban ameg aɗit aa anam daayya, Pilistia dilag danab naɗi okkai laa onig Goliat, nug ban haknu doya auta aotte, nug am aab onig Gat, appan danab, nug laikkud uuatta noa ukka, Israel danab laa neeb, nug ele ban hekkulahnu eum. Nug am danab naɗi okkai; elab nuhig am 3 mita, anam.

1 Samuel 17:4 Referans Kwoze

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

1 Samuel 17:23

Am Dawit nug awakkud ele nai mattiegeg, Gatnu ban danab ɠagattag, Goliat, nug Pilistia ameg daappig amu uuatta doa, Israel danab laa uɗieb, nug ele ban hekkulahnu eum. Nug haen oh ettom bia eum. Nug anam e, aakku Dawit nug Goliat eum amu doyom.

1 Stori 11:23

Amu haen laa nug Isip ted laa, elab nuhig am 2 mita maha ele, nug danab amu qe mauhom. Isip ted nug ban aɗom amu, ban amu qaɗib am teppunab ele; Benaia nug daɗibib aɗom, amge nug danab amu ele ban hekkulahnu ha wana, nug Isip tednu ban naɗi aɗom amu, nug ban amu qa oqaia, aɗitta awa, nug Isip ted nukka nuhig ban, nug amuppa eɗua nug ye mauhom.

1 Samuel 27:4

Dawit aakku Gat dayeye, laa ag amunu Saul amegppa aeg doya, nug baula Dawit mattia aɗakkunu ii oiyom, iitta.

Duteronomi 3:11

Keeke laa amu, Og, Basan dilag king, nug am Repaim danab okkai okkai dimnunab aakku amunu, nuhig niiak balal aenppa hak, elab nuhig amu 4 mita eɗittak, emaitak am 2 mita bia. Keeke amu ⌊nai imu yaak haenppa⌋ Amon dilag aab Raba appa dayeye anidtteb.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

1 Samuel 17:3

Pilistia ban danab ag oolnu noak onig Ela, amu heqo laih qauko nakokppa daaegeg, Israel ban danab ag oolnu noak amunu heqo laih, qauko nakokppa daappig; amu oolnu noak amu, am ban ameg aɗit daapiɗ gamalahppa dayom.

1 Samuel 17:5

Goliat nug bannu hat nuhig brasppa hak amu awa, igippa aɗe no, nug nuhig ban haknu lamen, siot bia bras huppu naunauppa hak ele amu, nug amu ele aɗe noum. Lamen amu, siot bia, uug nuhig am 57 kilogram.