1 Samuel 17:39 - Nobonob Baibel

³⁹ Saul nug bannu lamen, siot bia Dawit, nuhigppa aɗuitte no, Dawit nug Saulnu qep elab nuhig gaɗappa ina, matagiɗ awa, qep elab amu imuagppa lamen qaɗeppa takka, nug anam qakkowa, nug ma anttak ha oiya, ena ii ukkom. Aɗinu? Nug bannu lamen amubia ma, ban hekkunu kobol ii doyom. Nug amu hewowa, nug Saul amegppa aum. “Da bannu lamen imubia ma ukka, ban haknu kobol ii doottem. Amu bannu lamen imu da ii uɗappi, beɗulppa dayebeb, da ban hekkulnu elele iitta,” awa aum. Dawit nug amu doyom amunu, nug Saulnu bannu lamen eɗua uɗa meum.

1 Samuel 17:39 Referans Kwoze

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Hosea 1:7

Amge da, da Yawe, ahilag Kayak, da geha oo gai-iitta doya oo metta ehanittak kobol Juda danab ah dilagppa hekkul. Da dakka geha ahilkad kekeɗ eppelagppanu eɗuen diiadkkul. Da amuam latppa, o qep elabppa, o banppa, o hosppa, o bannu karisppa ii hepa. Iitta. Da dakkaib, da hekkul,” awa aum.

1 Samuel 17:38

Saul nug anam awowa, dimppa nug bannu bala nuhig Dawit nug ukkeb, Goliat ele ban hekkulahnu beɗuppa meum. Nug hat igippanu brasppa hak Dawit igippa ma, amu nug lamen, siot bia brasppa hak beɗu tonaknu aɗuitteg noum.

1 Samuel 17:40

Mewowa, Dawit nug nuhig dudqak hokkat awa, lenagppa noa, men doɗo naunau ena tanig ele awa, battam nuhigppa inattom. Nug men awa, ketapol aɗaɗa, nug Goliat ele ban hekkulahnu gumitta waum.