1 Samuel 16:14 - Nobonob Baibel

¹⁴ Amge Yawenu Ouɗi Nug Saul uuittom; Nug Saul ele ii daaeh, ouɗi nau Yawe noobppanu ukka, uug nau Saul mettom.

1 Samuel 16:14 Referans Kwoze

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

1 Samuel 18:12

Yawe Nug Saul ele tatam daapiɗ, amu gemu Nug Saul uuitte, nug ele ii daattep, amge Nug Dawit ele daattep amunu, Saul nug Dawit baɗittom.

1 Samuel 28:15

Anam dayeye, Samuel nug Saul oɗ mettom. “Aɗinu na dahil dayak okkulna, da onilppa e, da eɗue uɗimi,” awa oɗ mettom. Nug anam oɗ me, Saul nug nob ma aum. “Da uug nau doottem. Pilistia ag da ele ban hekkunignu uɗippig, amu Kayak Nug da dimeɗa, nug propet oɗelagppa nai laa ii meɗatte, tul niiakppa ele iitta. Anam daye amunu, da na oninppa emi. Geha da attem hekkul amu, na appe dookkul,” awa aum.

Ikki Danab 16:20

Am danab nug ikki uɗug otaɗa male amu, Delaila nug ewa aum. “Samson! Pilistia ag na aɗaidkkulagnu uɗippig!” awa eum. Nug anam e amu, Samson nug aha amu, nug dabmeum. “Da hettem, anam hein uhuqak aokkul,” dabmeum. Nug anam dabmeum, amge nug Yawe uuitta ukkom amu, nug ii doyom.

Ikki Danab 9:23

Kayak Nug ouɗi laa, hak eheɗ ele uuitte, nug he, Abimelek, Sekem danab ah ele gamalagppa oo aeg bak be, Sekem danab ah ag Abimelek waappa daaglagnu uun, nuhig nai tappaeg neum.

1 Samuel 18:10

Aria, wagɗe deɗ amuppa ouɗi nau Kayak noobppanu ukka, wagainab ma, Saul uug nau mette, Saul nug nug laugppa dayeye, nuhig dabmak eɗitte, nai digdig mattiom. Nug anam heehe, Dawit nug haen oh Saul nug anam heehe, harp qeum amu, nug anam dayaya, harp qeeqe, Saul nug eppegppa ban gudkkud aɗa dayom.

Hosea 9:12

Ag nid ii menumna, me ag menuadlob amu da heppi, oh iitta mekkulag. Haen da dimadattem amu, ahilagnu am gadonnab gadon.

1 King 22:22

Nug anam a amu, Yawe nug oɗ mettom. ‘Na geha gona, Ahap oo attem eeɗkkut?’ awa oɗ mettom. Oɗ mette amu, ouɗi nug Yawe amegppa aum. ‘Da ukken, hambuppuak nai Ahapnu propet oh oɗelagppa mekkul,’ awa aum. Ouɗi amu nug anam a, Yawe Nug aum. ‘Nahip ib amuppa Ahap nug aab Ramot, Gileat wanppanu banelag aha gokku amunu, na ame bia gona he!’ awa aum.” Mikaia nug anam aum.

1 Samuel 11:6

Ag aeg Saul doye, Kayak Ouɗi nuhigppa ɠagattag ele uɗie, Saul nug oo huana nauhom.

Ikki Danab 16:29

Samson nug anam unuqittowa, nug eppekuɗ bahia, kayak hambuppuak amu laugnu biidod aɗit amu, laa am eppeg naɗiap-ppa, laa am eppeg nanehppa aɗalata, ɠagattag anam dayaya,

1 Samuel 16:15

Anam daye, danab ag Saul ehanidtteb ele ag nug amegppa appig. “Antte! Imuam ouɗi nau laa Kayak noobppanu uɗia, na uug nau mette nauhme,” aon appig.

1 Samuel 16:16

Anam anana, ag tuɗidna nug amegppa appig. “Naɗi, ig nahip maɗi nid amu, na ig amenigppa appe, ig gota, danab laa harp-ppa musik qekkunu dootte ele laa anidta, aopput daakku; aria haen ouɗi nau Kayak noobppanu uɗitte ele, nug uɗia, na uug metteb, danab amu nug geha harp-ppa musik qeeb, na eɗun ena daakkut,” aon appig.

1 Samuel 16:23

⌊Saul nug nai anam me, Jesi toppa ukke, Jesi nug Saul aum, nug amunu ena doye, Dawit nug Saul ele daaeheh,⌋ haen ouɗi nau amu, Kayak Nug ib oo ii neum ele amu, haen nug Saul nuhigppa uɗia, Saul nau mette daye, Dawit nug harp qe, ouɗi nau amu Saul uuitte, eɗua ena dayom.

2 Samuel 7:15

Da heppi, laa ag bu anam mettalag, amge da na bekkat amu, da dahil oo mauhaknab kobol nuhigppanu aɗitten ii aopa. Da Saul, nug king daamanu na noomppa lamidmi amu, da oo mauhaknab kobol dahil nuhigppanu aɗitten aomi, amge da na bekkatnu anam ii hepa. Iitta. Da hanhan nuhignu oo mauhaknab kobol dookkul.

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.