1 Samuel 15:6 - Nobonob Baibel

⁶ Amu Ken buɗub ag Amalek guguittak daappig amunu, Saul nug ag dooglagnu nai imu ahilagppa me ukkom. “Israel danab ag Isip uun uɗiegeg amu, ag Ken danab, ag alalkad aɗi ag Israel, ahilagnu oo mauhaknab dooppig amunu, da dahilad daup ele ig Amalek aqadtata, ig ag ele aqadmata, ag ahan, laih ukkeg!” awa aum. Saul nug nai anam me ukke, Ken buɗub ag nai amu doon, ag ahan, laih goppig.

1 Samuel 15:6 Referans Kwoze

Ikki Danab 1:16

Am Ken danab ah ag am Moses tana, nug buɗub. Amu haen Israel dilag huu okkai Juda ag Jeriko uun ahaeg amu, Ken danab ag ele ahaeg gona, Judanu atu taɗakppa wappig. Ag Negeb appa, Arat aab guguittak, Juda danab appa wan aon daappig amu, ag ag oolagppa nona daappig.

Ikki Danab 4:11

Amge tatam amu, Ken danab onig Heber, nug Ken buɗub laa, ag Moses wau appinag Hobap buɗub, nug ag oolagppanu laa amu, nug aha, laih ukka, nug Sananimnu ad ok diigppa peh lag nuhig qappom. Amuam Kedes guguittak.

Eksodas 18:19

Gemu da na uɗat nahip hekkutnu ulum nai laala appi, na doye! Da appi, na Kayak oɗe bia dookkut dayeb amu, na da attem bia hekkut. Na inam helom. Na Kayak noobppa danab ah dilag anuqak danab daanna, na ahilag uug amu aon, Nug amegppa akkut.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.

Ikki Danab 5:24

Amge Jael, Ken ted Heber wau amu, danab ah ohnab ag nug binag okkainab, ah laa oh binalag eɗittak, ag nug anam metteg! Ao, nug ah laa oh peh lakka daatteb amu, nug ag binalag aoppig daatteb eɗitta, binag okkainab awaɗ!

Revelesen 18:14

Keeke laihnu awa dadennu mak danab ag aab amunu inam akkulag. ‘Keeke oh na haen oh aokkutnu oot huana dayom amu, na baula ii aomna. Na enun, keeke ena ena ele oh ele padal meppig amu, na keeke amu oh baula ii anidmana,’ aon akkulag.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Aposel 2:40

Am Pita nug nau aomnanu dabmettak nai kuɗum laa ele nai mattiaya unuqattatta amelagppa inam aum. “Ag lailkad ag kobol nau hetteb, amubia ag aib heppig. Iitta! Ag oolag eɗueb, Kayaknu ehanittak aweg!” awa aum.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

1 Stori 2:55

amu aab ikki laa ag yaak danab daan, Jabes appa daappig ele. Nai yaak danab amu ag am Tirat danab, Simeat danab, am Sukat danab ele. Aab ikki amu oh memetalag anukkanu am Ken danab onig Hamat. Hamat nug am Rekap danab ele memetalag.

Namba 16:34

Haen ag wan ooppa nonana amu, ag gayak nau heegeg, Israel danab ah laa oh daappig amu, ag oolppig. Aɗinu? Ag oolna gonan, ag enan appig. “Wan obata, oɗe metteb, ig ele nomata!” aon eppig.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

1 Samuel 15:5

Ag appa qagmeeg, Saul ag ele oh ahan, Amalek dilag aab okkaippa gona, aab amu guguittak amu, Saul he, nuhikkud danab laa ag appa le ippu qaɗaiettomppa lokkumna daappig.

Genesis 15:19

Gemu amu, Ken danab, Kenis danab, Katmon danab,