1 Samuel 15:11 - Nobonob Baibel

¹¹ “Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.

1 Samuel 15:11 Referans Kwoze

1 Samuel 13:13

Saul nug Samuel amegppa anam a amu, Samuel nug eɗua, nug amegppa aum. “Na heme amu, amuppa na dabmak tutukku iittappa heme. Na Yawe, nahip Kayak, na nuhig nai ii dim lamidme. Na dim lamidlom amu Nug heeb, na, amu na buɗun ele ag hanhan Israel gumalob.

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

2 Samuel 24:16

Yawe Nug he, engel laa nug oɗe amu he beum amu, engel amu nug Jerusalem uug amu aon nauhkkulagnu eppeg hume, Kayak antta, ooppa guittak naɗi doya, Nug engel uɗat amu heum ele amegppa aum. “Aakku elele! Baula aib heme!” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Jeremaia 9:18

⌊Amu da attem.⌋ “Heppeg, paha uɗieg! Ag uɗin, ihinignu qaneg! Ag qanappeg, ig amenig leb huanak naɗ! Ao, ig amenig leb, le ugakka gotte bia naɗ!” da anam awe attem.

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

1 Samuel 15:35

Amu Samuel nug Rama ukka daye ukke mauhom. Nug appa dayaya, haen amu oh nug baula Saul ii anttom, amge nug Saulnu oo uug dayeye, nuhignu gayom. Yawe amu, Nug Saul Israel dilag king daakkunu meum amu, Nug amunu oo uug dayom.

1 Samuel 15:9

Saul, nuhikkud daup ele ag anam heppig, amge ag Agag qeeg ii mauhom; aria ag sipsip enanag, makau enanag, makau gaiɗ, balat ele enanag, amu sipsip gaiɗ, balat enanag ele, keeke laa oh ena dayom amu, ag amu ele heppeg, Yawenuib nuhig pelemppa daaglagnu uun, ag heeg, Yawenuib, pelemppa ii daappig. Ag doɗ ohnab, keeke laa ohnab ele heppeg, Yawenuib nuhig pelemppa daaglagnu uun, ag doɗ, o keeke nau, o doɗ, o keeke gai-iitta aakkuib, ag heeg, Yawenuib nuhig pelemppa daappig.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

Hibru 10:38

Genab tutukku hak danab dahilad, ag dahilnu oolagppa genab dootteb amunu, ag bau daaglag. Amu laippu laa nug dimeɗakku amu, nuhignu amu da oolppa ena ii doopa.”

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 110:4

Yawe Nug nuhig nai ɠagattag qetta aum amu, Nug ii baolima. Nug aum. “Na am Melkisedek bia, mana mettak danab hanhannu daattem,” awa aum.

Sam 109:4

Da ahilagnu, “Da lailad,” doyen ehanadmi, amge ag nai nauppa da yaaiɗtteb. Ag anam hetteb, amge da unuqittak ii uuttem!

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

Josua 22:16

“Yawenu danab ah oh, ag ag Ruben, Gad, am Manase mahaib danab ah dilagnu, ag heppignu diig dooglagnu oolag daatte. Ag aɗi diignu ag Israel dilag Kayak ippunattomnu oo metta ii uuak kobol ii dim lamidna, Nug oɗe tappaeg neum? Ag attem hena, Yawe dimettan, nuhig nai tappaeg ne, qaɗab laa, Nug ii aum bia heppig?

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Matyu 24:13

amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Sepanaia 1:6

Da heppi, laa ag anukka da noolppa dup nona binal meppig, amge ag uun uuiɗna, kayak laanu dabmetteb; ag da, Yawe, ag da aniɗna dim lamiɗkkulagnu ii mattiɗna, ag da ulum madakkulnu oɗ ii meɗatteb amu, da ag ele heppi, ag nauhkkulag.” Yawe Nug anam awa atte.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Genesis 6:7

Yawe Nug anam antta doya amu, Nug aum. “Da danab hemi amu, ag, aria doɗ, doɗ laa ag oolag wan qeeqe oitteb, amu ai hab waappa hagagaɗna oitteb ele amu, da heppi, ag oh iitta mekkulag. Aɗinu? Da ag hattaminu kahipal aoɗom bia doottem,” awa aum.

Eksodas 32:11

Yawe Nug Moses amegppa anam aum, amge Moses nug Yawe, nuhig Kayak, nug nuhig oo mak ag uuadmanu haaha, Nug inam Yawe amegppa anana, inam unuqittom. “O Yawe, na oo nauhak doonna, na heppe, danab ah nahipad, na danab ah amu na nahip ɠagattag okkaippa Isipnu diin uɗime ele amu, ag padal mekkulag, amge amuam uug ele.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

1 Samuel 8:6

Ag anam appig, amge haen Samuel nug ahilag nai, “Na king laa ig gumigkkunu mekke!” nug nai amu doya, nug oo ena iitta daye, nug Yawe amegppa amunu unuqittom.

1 Samuel 15:10

Saul anam he, Yawe Nug nuhig nai imu Samuel mettom.

1 Stori 21:15

Anam he ukke, Kayak Nug engel danab aqom ele nug Jerusalem heeb nauhkkunu me ukke, nug ukka, Jerusalem danab aqakkunu dayom, amge nug anam hekkunu he, Yawe antta, Nug uug naunab nau Israel dilagppa beum antta, ooppa guittak naɗi doya, Nug engel danab aqom ele amegppa aum. “Aakku elele. Baula aib heme,” awa aum. Yawenu engel nug Jebus buɗubppan danab Araunanu ee aeg mumuɗaknu abenppa dayeye, Yawe Nug engel amegppa amu aum.

Jeremaia 11:10

Ag mamelkad aɗi dahil nai dooglagnu uuppig, ag hipunin heppig, gemu danab ah imu ag hipunin amuib hetteb. Ag kayak hambuppuak dim lamadna, ag noolagppa dup nona, ag binalag metteb. Israel danab ah, Juda danab ah ele ag nug tituana nai qakkak nai da hei, da ag mamelkad aɗi ele bappaidta, ag nai amu waappa daan oinna, ag nai amu tippalna, ii dim lamidppig amu, laa gemu daatteb, ag ele anamib.” Yawe Nug anam awa aum.

Jeremaia 34:16

Amge gemu ag aakku dabmak eɗun heeg, laa ag da onil oppiaawak elenu hamu bia dootteb. Kobol ag heeg, laa ag da onilnu am keeke hamu bia dootteb amu, kobol amuam ag anen anen ag tatam begbeg maɗi nid, o begbeg maɗi ah ag uhuqatteg, uhuqak daan, ag adeppa adeppa gokkulagnu oolag dayom amu, ag aakku appa gokkulagnu elele daappig, amge ag tatam ahilkad begbeg maɗi nid uhuqadppig ele, ag ahilag dabmak eɗue heeg, danab o ah ag ahilkad begbeg maɗi nid daappig amu, ag eɗun, waalagppa, ahilag begbeg maɗi nid daatteb.” ’ ” Yawe Nug anam atte.

Esekiel 18:24

Amu Naɗi Yawe Nug tuɗitta atte. “Anam, amge genab tutukku hak danab nug tuɗitta, kobol genab tutukku ele hekkunu uua, nug hipunin hekku daya, nug nau hak danab kobol digdig, da kobol amunu oolppa uuaknab doottem amu, nug kobol amu nau hak danab hette bia ha, nug bau daakkute? Iitta. Nug mauhkku. Kobol genab tutukku ele laa oh nug heum amu, nug amu uua, kobol eheɗ hekku dayeb, kobol genab tutukku ele tatam heum amu, da amu dab-ii-mepa. Iitta. Da daul atikku. Nug da ippunidminu oo metta ii uuak kobol ii dim lamitta ha, hipunin he, beɗuppa aab dayom, diig amunu nug mauhkku.

1 Samuel 16:1

Amu Yawe Nug Samuel amegppa aum. “Da hei, Israel dilag king dayaknu ehah am Saul eppegppa, nug baekkudppa eppelagppa ele ii daatte, me na nuhignu haen elab oot doyeye, oot uugnab doottem. Amu haen gane laa ele ukkeb, na kobol amu uukkut? Uuppe! Da danab laa, Jesi, Betlehem daatte, nug bekka, da nug king daakkunu tituanmi amunu, na ad olip meunu goɗen idppa qeppe noob, aon Betlehem Jesi laugppa gona, goɗen amu aon, laa nug king daakku amu, na nug igippa gokkaɗe!” awa aum.

1 King 11:9

Solomon anam he, Yawe, Nug Solomonnu oo nauhom. Aɗinu? Solomon nug eɗua, meu ohppa Yawe, Nug am Israel dilag Kayak, Nug haen aɗit Solomon gumitta neum amu, nug Nug ii dim lamittom.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.