1 Samuel 14:25 - Nobonob Baibel

^25-26 Ag deɗ amuppa anam hamu daappig, amge deɗ amu ii malakppa Israel daup oh ag atu laa, atu amuppa ad kuɗum daatteb amu, ag atu amuppa tena, appa uppuh leppu huanak ele anidppig. Atu amuppa uppuh leppu ambak dayom, amge danab ag Saulnu nai Kayak onigppa ɠagattag qak, ag ee ii lamananu aum doon, lanaknu baɗappig amunu, danab laa nug uppuh leppu amu nakok laa iinab laum.

1 Samuel 14:25 Referans Kwoze

Duteronomi 9:28

Na heppe, danab ah imu padal mekkulag dayeb amu, Isip ag akkulag. ‘Yawe he, padal meppig diig am, Nug wan ag madakkununab nuhig nai ɠagattag qetta aum amu, Nug amu hekkunu elele iitta.’ O iitta, ag akkulag. ‘Nug he, ag nauhppig diig am, Nug ahilagnu nau ninig ele doyom; Nug atu taɗakppa ag aqakkunu Nug Isipnu diia, omalatte uɗippig,’ akkulag.

Namba 13:27

Ag Moses amegppa inam appig. “Wan na ig appa gokkunignu meigme amu, ig appa gomut. Wan amuam wan enanag, am wan ittag ele, amuppa ee meu huana otte. Antte! Ee meu laala wan amuppanu iikku akkat ele uɗimut.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

1 Samuel 14:24

Amu Saul nug deɗ amuppa Kayak onig awa, nuhig nai ɠagattag qetta, inam aum. “Israel daup laa nug deɗ imuppa, aam ii noobob, da dahilad kekeɗ nob nau elele ii madappi, ee nakok laa lakku dayeb amu, nug eheɗ laa awaknu anak waappa dayaɗ!” awa aum. Saul nug anam aum, Israel ag oolagppan laa nug ee nakok laa ii laum amunu, ag uug nau daan oippig.

Prowerb 25:16

Na uppuh leppu anidkkut dayeb, na aib huana lame; na huana lakkut dayeb amu, na bahakkut.

Ikki Danab 14:9

Nug antta, nug eppegppa uppuh leppu laa ekkaɗa awa, lanana ukkom. Ugakka, haen nug mameg anig ele eɗua gumata ta amu, nug laih laa aa mate, aa ele lapiɗ, amge nug laion ebehiudppan awomnu amelahppa ii aum.