1 Samuel 13:22 - Nobonob Baibel

²² Anam dayom amunu, ban haenppa Israel danab laa nug qep elab, o ban laa iitta. Iitta! Saul, Jonatan ele aakkuib, aa am ele.

1 Samuel 13:22 Referans Kwoze

Ikki Danab 5:8

Israel ag Yawe dim lamidkkulagnu uun, kayak hambuppuak laala dim lamadkkulagnu heeg, kekeɗ ag uɗin, ban hekkulagnu daappig. Ag uɗippig, amge ig ihinkad ban danab 40,000 oolagppa, guppiɗ, o ban laa anidkkunignu elele iitta!

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

1 Samuel 17:50

Dawit nug ib amuppa Goliat qe mauhom. Nug ketapol men laippu eleppa eɗittom; qep elabppa ii qe mauhom.

1 Samuel 17:47

Laa ele, danab oh ippa daatteb amu, geha ag Yawe Nug danab ah nuhikkud ehanadkkunu amu, Nug qep elab, ban ele ii dabmette dooglag. Nuhig neekkakppa amu, qep elab, ban ele am keeke hamu; keeke okkai iitta. Aɗinu? Nug ban gumatte amunu, Nug gemu ig ehanikkeb, ig geha ag eɗadkkunig,” awa aum.

1 Samuel 13:21

Amge nug hamu ii uɗigttom. Iitta. Nug silwa awawa uɗigttom. Am nuhig noob anen anen am inam: wan buuaknu keeke, o halu uɗikkaknu am 8 gram silwa; amu hebeb, o huɗup elab aeg laippu ele, o aeg ewam ele, o ad laa noobppa aen ele danab ag amuppa makau okkai ebehi ele yaalatteg uɗat hetteb, amu uɗikkaknu am 4 gram silwa.