1 Samuel 12:6 - Nobonob Baibel

⁶ Ag anam aeg, Samuel nug nai tuɗitta aum. “Yawe, Nug Moses, Aron ele tituanatowa, Nug ag gemu daatteb, ag mamelkad aɗi omalatte, ag Isipnu ahan, ippa uɗippig.

1 Samuel 12:6 Referans Kwoze

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Eksodas 6:26

Amu Moses, Aron ele onilah amu, danab buɗub imuppanu aguppa daattep. Danab aɗit laa iitta. Aa aakkuib. Yawe Nug danab aɗit amuib amelahppa aakku aum. “Aa Israel buɗub, Isip wanppa daatteb amu, aa huu anen anenppa omaladya ukkeɗ!” awa aum.

Sam 105:41

Nug he, le huana menppan neum. Le amu na, atu taɗakppa le okkai laa bia ukkom.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Eksodas 6:27

Aaib Isip dilag king Paro, nug Israel paɗatteb omaladya gokkulahnu amegppa apiɗ. Danab aɗit amu, aaib kobol amu hepiɗ; laa iitta.