1 Samuel 10:7 - Nobonob Baibel

⁷ At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 10:7 Referans Kwoze

Ikki Danab 6:12

Nug anam heehe, Yawenu engel nug gumitta noa aum. “Yawe Nug na, na ban danab ɠagattag okkai ele, Nug na ele daattep!” awa aum.

Luk 2:12

Ag Nug anidkkulagnu epponak keeke amu inam. Nug anig Nug lamen elabppa ehakka, doɗ dilag ee lanak taɗaɗ ooppa me niitte,” awa aum.

Josua 1:5

Josua, da haen oh na ele daagnih. Da Moses ele daamuɗ, amubia da na ele daagnih. Na wanppa bau daappe, haen amu ohppa laa nug na eɗidkkunu elele ii daama. Da na ii uuidpa. Da na ii paɗaidpa.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Eksodas 4:8

Moses nug anam he, Yawe Nug aum. “Israel danab ag daulag human, nahip nai ii dooglag dayeb, ag oolagppa genab ii dooppeg ele amu, na dahilnu dabmettaknu kobol danab haknu elele iitta tatam heppe, ag oolagppa genab dooglagtai. Amge ag amu anidna, ag oolagppa genab ii doon heppeg amu, na tuɗidna, na dahilnu dabmettaknu kobol danab haknu elele iitta laa imu ele heppe, ag oolagppa genab dooglagbia.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Ikki Danab 9:33

Buttua, aam beebeb amu, na banelag ahan, aab okkai imuppan danab ah ele ban hekkulagnu uɗikkut. Amu haen Gal nug laikkud ele ag ban hekkulagnu dimittim doppeg amu, na ahilagppa attem hekkutnu anidkkut amu, na hekkut,” awa aum.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Genesis 21:20

Aria, Kayak Nug nid amu ele daayya, nug ena ma, atu taɗak amuppa dayaya, nug danab lat doɗo ewa doya auta autanab awak ele oiyom.

Jon 6:14

Danab ag Jesus Kayak dabmettaknu kobol danab haknu elele iitta he anidppig ele amu ag appig. “Genab ig propet laa nug wan imuppa uɗikkunu nai doomut ele am iikku!” aon appig.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

1 Samuel 3:19

Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.

1 Samuel 20:13

Amge genab, mama nug na eheɗ heidkkunu dabmette dayeb amu, da na amenppa ii ain, da na elele oolna gokkutnu ii ehanidppi amu, aria Yawe Nug geha bu okkainab meɗakkunu ool daatte. Amu keeke laippu aakkuib am, Yawe Nug anukka da mamel ele daapiɗ bia, Nug na ele daaglahnu ool daatte.

2 Samuel 7:3

Dawit nug anam a amu, Natan nug oɗeppa awa aum. “Yawe Nug na ele daattep amunu, na aɗi hekkutnu dabmettem amu, na anamib he!” awa aum.

Job 31:25

o iitta, da en okkai ele amunu, gamag ahak eheɗ doolomlob, o iitta, da uɗat huana hein, en okkai aomi amunu, gamag ahak eheɗ aolomlob,