1 Samuel 10:24 - Nobonob Baibel

²⁴ Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.

1 Samuel 10:24 Referans Kwoze

1 King 1:39

Amge ii noak haenppa mana mettak danab Sadok nug peh lag Yawenu tituanak daatte ele, nug appa ukka, olip goɗen makau qeqeɗi okkulakppa inak ele awom. Awe nona, nug Solomon king daakkunu nug goɗen gokkaɗakppa tituanom. Anam gokkaɗa tituane amu, ag trampet iwaleg, danab ah oh ag ahan inam aon eppig. “Solomon nug king haen elab dayaɗ!” aon eppig.

1 King 1:25

Aɗinu? Gemu nug mana mettak ha, makau kuɗum, amu makau nag ittalkad ele kuɗum, amu sipsip kuɗum ele aqom. Amu nug na begapad laa, nahip daup dilag ikkilag, amu mana mettak danab Abiatar ele, nug ag oh gokkulagnu a, aakku ag goppig. Am gemu ag nug ele ee, le lanana, ag enana inam atteb. ‘Adonaiya nug king haen elab dayaɗ!’ aon atteb.

2 Samuel 21:6

amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

Duteronomi 17:15

Am anam daakku dayeb amu, Yawe, ahilag Kayak, Nug ahilag king otieb, abenppa mekkulagnu dabmetteg! Israel ted laa mekkulagoitte. Ag wan laihnu danab aib meppig.

2 King 11:12

Ban danab ag bappaidna anam daaegeg, Jehoiada nug king bekka Joas, nug nug omala, dimittim uɗiom. Nug omala uɗia, king haɗ nug igippa ma, nug Kayaknu nug tituana nai qakkak nai buk itoɗiakppa yaak niitte metta, Nug nid amu nug king daattenu eum. Nug anam he, ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig. Danab ah ag amu anidna, ag amunu oolag gamag ahe, ag eppelag tap qenana, inam eppig. “King nug haen elab bau dayad!” aon eppig.

Matyu 21:9

Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

1 King 1:34

Nona, appa mana mettak danab Sadok, am propet Natan ele aa Solomon nug Israel dilag king daakkunu goɗen gokkaɗakppa tituaneɗ! Aa amu hepeɗ amu, ag trampet iwalnana, ag baalag okkaippa ekkulag. ‘Solomon nug king haen elab dayaɗ!’ Ag anam aon eig!

1 King 1:21

Na ag amelagppa ii awona, geha na mauhppe amu, Adonaiya aɗi ag Solomon da ele, ag ihinihnu danab ah nau bia dooitnana, nitappeg mauhkkunih,” awa aum.

1 Samuel 9:2

Kis nug bekka laa onig Saul, nug am danab ɠagattag, nuhig anttak ele enaib. Amu elab nuhig am Israel laa oh eɗatta, 35 sentimita keeke, batak.

1 Samuel 12:1

Amu dimppa Samuel nug Israel danab ah oh amelagppa aum. “Ag da aɗi hekkulnu appig amu, da nai ahilag doye hein, da king laa ag gumadkkunu nug abenppa mei daatte.

1 Samuel 12:13

Ag king gumadkkunu ippu tituanppig amunu, king ag tituanppig am iikku daatte. Ag nug king daakkunu Yawe oɗ mettaeg, Nug iikku mattom.

2 Samuel 16:16

Ag oh anam teeg, Ark danab Husai, nug Dawit layag amu, nug Apsalom toppa ta, nug aum. “Na king daattem, nahip bau dayak am elab taɗ! Na king daattem, nahip bau dayak am elab taɗ!” awa aum.

2 Stori 23:11

Daup ag anam daaegeg, Jehoiada, nug bekkod ele ag king bekka, Joas, ag nug omalna, dimittim uɗippig. Ag omalna uɗin, king haɗ nug igippa mena, ag Kayaknu nug tituana nai qakkak nai buk itoɗiakppa yaak niitte mettan, ag nid amu nug king daattenu eppig. Ag Joas king daakkunu goɗen gokkaɗakppa tituanna, ag eppig. “King nug haen elab bau dayaɗ!” enana appig.

1 Samuel 11:15

Samuel nug anam aum amunu, Israel oh ag ahan Gilgal gona, appa ag oh Saul nug king daakkunu Yawe noobppa nai qagappig. Appa ag laippu dayaknu ofa manan, Yawe mettona, ag oo gamag ahaknu qagmak okkainab heppig.