1 Samuel 1:3 - Nobonob Baibel

³ Aria, Elkana nug maɗ anen anen oh haen laippu nug Yawe Nukka Ɠagattag Oh Ele noobppa dup noa binag mekkunu, nug ele doɗ mana, Nug medakkunu, nug Ramanu aha, Silo ukkom. Silo appa amu mettid haknu peh lag dayeye, Eli bekoɗ Hopni, Pinias ele aa Yawenu mana mettak danab daapiɗ.

1 Samuel 1:3 Referans Kwoze

Luk 2:41

Amu Jesus anig mameg ele aa haen oh maɗ ohppa Pasowanu Hobul hekkulahnu Jerusalem tedapiɗ.

Josua 18:1

Amu dimppa, Israel danab oh ag Silo appa qagmena, ag appa mettid haknu peh lag danab ah appa qagmetteb ele, ag lag amu qabappig. Israel ag Kanan danab eɗadna, gemu ag wan amu guman daappig, ⌊amunu Kanan danab, ag Israel ele ban baula haknu dab-ii-meppig⌋,

Eksodas 34:23

Maɗ anen anenppa haen ewam ag Israel danab oh ag da, Naɗi Yawe, ahilag Kayak, ag da noolppa dup nona, da binal mekkulagnu, ag da amelppa uɗieg!

Eksodas 23:14

Maɗ anen anenppa amu, ag haen ewam ag da noolppa uɗina, da dabmeɗanna qagmak gamag ahak ele hekkulag.

1 Samuel 1:21

Keeke amu oh anam be, haen ukke, Elkana nug maɗ laappa eɗua, doɗ mana, Yawe medakkunu, nug keeke laa genabnab Yawe medakkunu nai ana qakkom amu, nug amu oh hekkunu baegppan ele Silo goppig,

1 Samuel 1:9

Kobol amu oh am hanhan bettom, amge haen laa ag oh gona, Silo daanna, ag ee, le ele lana malaeg, Eli, nug am mana mettak danab dayom amu, nug Yawenu mettid haknu peh lag od ukku guguittak dayaknu balalppa dayeye, Hana nug unuqidkkunu aha,

Duteronomi 16:16

Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Ikki Danab 18:31

Amunu Israel dilag huu okkai Dan, amuppan danab ah ag Maikanu kayak hambuppuak dottolkad noolagppa dup nona binalag meppig. Haen Israel laa ag Silo appa Kayaknu peh laugppa Kayak binag meppig, Dan ag haen amu oh kayak hambuppuak amu binalag meppig.

Sam 78:60

Nug Silo appa mettid haknu peh lag nuhig uuom. Ao, Nug peh lag nuhig, Nug peh lag amu he, ag danab ah oolagppa qappaeg daattom amu, Nug amu uuom.

1 Samuel 4:11

Pilistia ag Israel eɗadnana, ag Kayaknu Tituanak Nainu Kunup aonna, ag Eli bekoɗ Hopni, Pinias ele, ag aa ele aqateg mauhpiɗ.

1 Samuel 4:4

Ag anam appig amunu, ag heeg, danab ag Silo gona, ag Kayaknu Tituanak Nainu Kunup kontrak inak ele, Yawe Nukka Ɠagattag Oh Ele, Nug appa sia king nuhigppa, engel okkai-kerubim aɗit dottolah gamalahppa daatte amu, ag amu aon uɗippig. Eli bekoɗ Hopni, Pinias ele, aa ele uɗipiɗ.

1 Samuel 3:13

Ge! Eli bekoɗ aa eheɗ nau heyaya, da noolppa, amu Israel danab noolagppa ele aa danab nau daaeheh, Eli doyom, amge nug aa ii hemayanu aa daulah elele ii batom amunu, da nug amegppa, da nug, amu nug buɗub dilagnu ele oh epeɗiatten, uug madakkulnu ami.

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.

Eksodas 23:17

Danab oh ag maɗ anen anenppa da, da Naɗi Yawe, ag haen ewam amu da noolppa uɗina, ag hobul amu heig!

Ikki Danab 21:19

Ag anam awona, ag tuɗidna appig. “Amge antteg! Yawe dabmaama, qagmak gamag ahak ele hak Silo appa maɗ maɗppa daatte, amu nuhig haen uɗiom daatte. Silo am Betelnu yawalti uɗitteppanu daatte. Aab amuam ib laa Betelnu ukka, Sekem gotte, am ib amunu kaɗag uɗitteppanu daya, Lebonanu yau uɗitteppanu daatte,” aon appig.

1 Samuel 2:19

Nug Yawenu uɗat amu heehe, maɗ oh nug anig nug lamen elab laa, elab nuhig okkainu elele heum. Nug amu he, maɗ oh nug gamu nug ele aa doɗ manoya, Yawe mettaglahnu Silo tepiɗ, amu haen amuppa nug lamen amu awa ukka, Samuel mettom.

1 Samuel 14:3

Aria, danab Saul ele daappig amu, ag oolagppan laa am Ahaiya, nug am mana mettak danab, nug lamen enanag-epod takkom. Ahaiya mameg am Ikabod awag Ahitup. Aa mamelah am Eli bekka Pinias. Eli am Yawenu mana mettak danab, Silo dayom. Danab 600 Saul ele daappig amu, ag oolagppan laa, nug Jonatan ukkom ii doyom.