1 Samuel 1:16 - Nobonob Baibel

¹⁶ Da oolppa uug naunab, ninig ele doottem, amunu na dahilnu, da am nahip maɗi ah amu, na dahilnu ‘Ah nau,’ aib dabmeme,” awa aum.

1 Samuel 1:16 Referans Kwoze

1 Samuel 2:12

Elkana, Hana ele aa goya aabppa daaeheh, Samuel nug Eli ele Silo appa daapiɗ. Aa anam daaeheh, Eli bekoɗ, aa onilah am Hopni, Pinias ele, aa mana mettak uɗat hepiɗ, amge aa am danab nau; aa Yawenu, “Nug am keeke hamu,” doopiɗ.

1 Samuel 25:25

O naɗi, da na oɗ medattem; na Nabal, nug am danab nau amu, na nai nug mettom am aib dabmeme. Aɗinu? Nug onignu diig eɗuak amu inam, ‘Danab nug Kayak dab-ii-maama ii dim lamidtte ele.’ Nug onig eɗuak am anam, amu eɗuak amuam genab, nug am danab anam ele aakku. Kobol nuhig ele amu, am anamib. Amge dahilnu amu, da na, dahil naɗi, da nahipad danab na ag amelagppa ae, ag ig gumigna goppig amu, da, da maɗi ah nahip, da danab amu da ag ii anadmi.

1 Samuel 10:27

Amge hib guitta danab laa ag appig. “Saul nug attem heeb, ig ehanittak aognig? Nug elele iitta!” aon appig. Ag Saulnu ena iinab dooppig amunu, ag amu mattinna, ag ɗo ii medappig. Ag anam heppig, amge Saul nug ag amelagppa nai laa ii mattiom.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.

1 Samuel 1:17

Hana nug anam a, Eli doya, nug nob ma aum. “Na ahan, na oot maɗoɗ ele ukke! Amu Kayak, Israel dilag Kayak, Nug na aɗi keeke Nug unuqidme amu, Nug amu na medakkunu ool daatte,” awa aum.

Sam 55:2

Na dahil unuqittak doona, nob ena meɗakkutnu oɗ medattem. Dahil kekeɗ ag nai nau dahilnu atteb. Ao, nau hak danab ag guittak meɗaglagnu dabmena, amelag behabe, da neekkiɗtteb. Ag anam hetteb amunu, da uug digdig toniɗe, elele iittanab doottem. Da anam doottemnu diig am, ag heeg, da guittak doottem. Ao, ag dahilnu oolag nauhe, ag da aon aon iutteb.

Duteronomi 13:14

Anam beeb, ag amunu dooglag dayeb amu, ag hettoɗiak okkai, elelenab hekkulagoitte. Ag hettoɗiak anam henan, danab amu ag genab kobol amu, Kayak Nug kobol amunu ooppa uuaknab dootte ele, ag kobol amu ag oolagppa heppig anidkkulag dayeb,