1 Pita 4:12 - Nobonob Baibel

¹² O lailad, uug doyak kobol aab ewak bia ahilagppa betteb amu, amuppa ag aib ottaina, “Kobol laanab iikku betteb,” aon appig.

1 Pita 4:12 Referans Kwoze

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

1 Pita 5:9

Amu ag ooppa genab doyak ahilag ɠagattag aɗan daanna, ag Satan aɗi eheɗ hekkulagnu eeɗadtte hemananu ag ɠagattag hippaidna dayeg! Ag dootteb, wan atu ohppa lailkad daatteb amu, ag ele guittak awak ag dootteb bia doonna daatteb.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

1 Korint 3:13

Aria, danab ag lag, keeke piɗe piɗeppa heppig ele amu, aab lag amu eweb, ahilag uɗat am miag atikku. Laala ag keeke aab eokkunu elele iittappa uɗat heppig amu, ahilag uɗat am ii iitta mema. Amge laa ag keeke aab eokkunu eleleppa uɗat heppig amu, ahilag uɗat am iitta mekku. Amubia ele danab ag dahil nai aon, uɗat tuɗidna hetteb ele, ahilag uɗat am elele o elele iitta am miag atikku. Aab nug heeb, lagnu uɗat am miag atikku, amubia Kayak Nug heeb, danabnu uɗat am miag atikku.

1 Pita 4:4

Gemu ag aakku kobol nau amu baula ii hetteb amunu, danab Kayak baekkudppa iitta, ag ag ele kobol nau amu gemu ii hetteb, ag amu anidna ottaina, ahilagnu nai eheɗ atteb.

Aisaia 28:21

Yawe Nug danab ah bu madakkunu Nug anukka Perasim qaukoppa heum bia hekku. Ao, Nug danab ah bu madakkunu Nug oolnu noak Gibeon, amuppa heum ele, Nug amubia hekku. Nug nuhig uɗat, danab dooglagnu elele iitta ele, Nug nuhig uɗat amu hekku. Ao, Nug uɗat laa, Nug uɗat amu haen kuɗum ii hette ele, Nug amu hekku.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.