1 Pita 4:1 - Nobonob Baibel

¹ Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

1 Pita 4:1 Referans Kwoze

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

Rom 6:11

Amubia ag Kristus Jesusnu uɗatppa, ag hipuninnu ɠagattag waappa ii daatteb, amge ag Kayak oo niitte amuib dim lamidkkulagnu daatteb, ag amu oh dabmenan oiyeg!

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Rom 6:7

Amunu diig am, danab auntai laa nug mauhtte amu, nug baula hipuninnu ɠagattag waappa ii daatte.

Epesus 6:13

Anam amunu, ag Kristen ag deɗ nau uɗieb, ag ena daaglagnu ban elele hekkulagnu elele daabppeg, ban iitta meeb amu, ag hippaidna daaglagnu ag Kayaknu ban haknu bala ag mattom oh takkeg!

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Pilipai 2:5

Jesus Kristusnu dabmak bianab ahilagppa daakku am ena.

Rom 6:2

Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Hibru 12:3

Ag Jesus aɗi ippunigtte am antteg! Hipunin danab anukka ag Jesus kekeɗ okkai medappig, amge Nug ɠagattagnab dayom. Ag gemu oolagppa genab dootteb amu, ag keeke amu dabmena, ag ele aib bahilag yom; ag ebehilag ele aib bodoettom.

Hibru 4:10

Aɗinu? Aun nug Kayaknu hik awak aotte, nug uɗat nuhig ii hette. Nug hik aotte, Kayak Nug hab wan ele ha malowa deɗ eblaih aɗitppa hik awom amubia.

Esekiel 16:41

Ag lag kuɗum, na appa eheɗ hekkutnu bappaidme amu, ag amu amotppeg eweb, ah laa kuɗumnab amelagppanab na bu mettaglag. Amu da heppi, na baula ib baag ah ii daamna. Na baula danab laa ag na ele niiglagnu men doɗo keeke ii mattamna.

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

Duteronomi 27:10

amunu, ag Yawe, ahilag Kayak, ag Nug oɗe doon, ag haknunab anak nai, amu ɗo ele, da gemu ag madattem imu aɗeg!” awa aum.

Mak 3:3

Anam daaegeg, Jesus Nug danab eppeg nau ele amegppa aum. “Na ahan, danab ah noolagppa hippaidna daye!” awa aum.