1 Pita 3:13 - Nobonob Baibel

¹³ Aria, na kobol enaib heppe amu, danab laa nug na eheɗ laa ii heidma bia,

1 Pita 3:13 Referans Kwoze

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

Rom 13:3

Aɗinu? Danab ag gumaknu ehah ele ag danab kobol tutukku hetteb ele, ag ag baɗadkkulagnu ii daatteb, amge ag danab kobol tutukku ii hetteb ele, ag baɗaglagnu daatteb. Amunu ag danab gumaknu ehah ele ii baɗidkkulagnu oolag daatte dayeb, ag kobol tutukkuib heig! Ag anam hekkulag dayeb, ag danab gumaknu ehah ele, nuhigppa binalag aoglag.

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

Epesus 5:1

Ag Kayak bekkod daatteb, ahilagnu Nug oo mauhtte amunu, Nug ippu hena dayeg!

Prowerb 12:21

Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Jeremaia 39:12

“Ag Jeremaia mattin anidna, ag nug aon, nug atognoig! Ag nug guittak nakok laa aib medappig. Nug ag nuhignu aɗi hekkulagnu ag amelagppa ab, ag aum bia heig!” awa aum.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.