1 Pita 3:10 - Nobonob Baibel

¹⁰ Amuam Kayak naippa, nai daatte amubia. Nai amuam inam. “Aun laa nug bau daakkunu oo daatte; ao, aun laa nug haen elab dayaya, nug dayak ena dayaya, maɗoɗppan gamag ahak dookkunu oo daatte ele, nug aɗi atte amu, nug amunu pehettak dabmaama, nai eheɗ aib mattiom! Ao, nai hambuppuak laa aibnab aib mattiom!

1 Pita 3:10 Referans Kwoze

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

1 Pita 2:22

Nug hipunin laa ii heum, oɗeppa nai hambuppuak ele ii dayom.

1 Pita 2:1

Amunu ag kobol nau oh dim lamidkkulagnu uueg! Ag nai hambuppuak, kobol hambuppuak ele uuna, ag laa dilagnu aib amelag qeeb oolag elele ii dayom; baeg qak nai atten ele aib madippig.

Revelesen 14:5

Ag oɗelagppa nai hambuppuak laa ii madippig, ag oolagppa kaliak laa iitta ele.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Jon 12:25

Anam amunu, aun nug wanppanu bau daakkunu dabmak anuqak aotte amu, dimppa nug bauklel hanhannu ii aoma. Amge aun laa nug wan imuppan beɗu bau dayaknu oo ii qette, amunu dabmak okkai ii aotte amu, nug bauklel hanhannu Kayak eppegppa aokku.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Prowerb 3:2

Na anam hekkutnu diig am, dahil ippunittak nai, dahil haknunab anak ele aa hepeɗ, na geha haen elab bauklel daakkut. Ao, aa hepeɗ, na ena daakkut.

Matyu 19:17

A amu Jesus Nug aum. “Na aɗinu da keeke enanu oɗ meɗattem? Laippu aakkuib Nug am ena amunu, na bauklel aokkutnu na ɗo nuhig dim lamidkkut,” awa aum.

Prowerb 4:22

Aɗinu? Danab ag atognona dim lamidtteb ele, am ag bauklel madatte; nai amu he, danab nug beɗu oh ena daatte.

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Mak 8:35

Aɗinu? Danab laa nug wanppan bau daakkunu dabmak anuqak aotte amu, dimppa nug bauklel hanhannu ii aoma, amge danab laa nug dahilnu, amu Nai Enanu ele anuqak dootte, nug wanppanu bau dayaknu anuqak ii dootte amu, nug bauklel hanhannu aokku.

Sam 49:19

Anam daakkutai, amge diig amunu nug laa oh mauhppig bia iite mauhma? Nug mauhkku. Nug baula aam beeb ii anidma.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

Job 33:28

Kayak Nug da qagaiettakppanu eɗua uhuqak ha meɗom, amuppa da mauhpanu uhuqiɗe, da ii mauhmi! Gemu da bau daye, enanag doottem!’ Danab amu nug anam atte.

Job 9:25

Dahil bau dayaknu haen am paha iitta mette; da gamag ahak nakok laa ii dooiyi, dahil bau dayaknu haen paha gogppa tekkunu tette.

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Eklisiastis 2:3

Ig danab ig haen tutuib wan imuppa oittem. Anam amunu, da haen tutu amuppa danab nug aɗi kobol dim lamitta heeb, keeke ena, meu ele laa bekkunu ippu anidkkulnu ool he, doyak dabmak ena ele ulum meɗeɗe, da gamag ahak dookkulnu wain lain, Kayak dab-ii-maama hak kobol ele dim lamidmi ⌊amge da meu ena laa ib amuppa bekkunu ii anidmi⌋.

Sam 106:5

Da amunu oɗ medattemnu diig laa am, laa na tituanadme ele, na ehanadppe, ag keeke ele elele daappeg, da ag oolagppa ele anam daakkulnu ool daatte. Diig laa am nahip danab ah ag gamag ahak dooppeg, da, ag ele oonig gamag ahakkunu ool hette. Amu diig laa am danab ah nahipadnab daatteb amu, ag na binan mebeppeg, da ag ele binan mekkunignu ool niitte.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.