1 Pita 1:8 - Nobonob Baibel

^8-9 Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

1 Pita 1:8 Referans Kwoze

Jon 20:29

Nug anam a amu, Jesus nug amegppa aum. “Na amu amenppanab da aniɗna, na ootppa genab doome. Laa ag da ii aniɗna, oolagppa genab dootteb amu, ag itittak ena aoppig daatteb,” awa aum.

2 Korint 5:7

Aɗinu? Ig Nug ele ouqak daagnig, nai amunu amu gemu ig dayak amunab ii anidttem, amge gemu oittem imuppa am ig geha Nug ele daagnignu, ig oonigppa genab doot oittem.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Hibru 11:1

Danab nug ooppa genab doyak ele amu, nug aɗi keeke aokkunu dabmak aɗa daatte ele, nug genabnab genab aokkunuib dabmette; nug ii aomanu nakok laa ii dabmette. Amu ele nug keeke amegppa ii anidtte ele, nug anamib genab anidkkunu dabmette.

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

2 Korint 4:18

Anam daatte amunu, keeke ig amenigppa anadttem ele, ig amunu keeke am anuqak dab-ii-mettem. Iitta. Ig keeke ig amenigppa ii anidttem ele, ig amunu am keeke anuqak dabmak aottem. Aɗinu? Keeke ig amenigppa anidttem ele am haen tutuib daakku, amge keeke ig amenigppa ii anidttem ele am geha hanhan daakku.

1 Pita 1:6

Gemu haen imuppa ag keeke digdigppa uug dooglagtai, amge ag ehanittak okkai amu aoglagnu daatteb amu, ag amunu maɗoɗppan gamag ahak okkai aotte.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Pilipai 1:25

Da anam genab doottem amunu, da doottem, geha da daakkul. Da geha dayeye, ahilagppa uɗat hebippi, ag oolagppa genab ɠagattag doonna, ag ooppa genab doyak ahilagnu ele maɗoɗppan gamag ahak dooglag.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Jon 14:24

Laa nug dahilnu oo ii mauhtte ele, nug nai dahil ele dim ii lamidtte. Am ag dootteb, nai amuam dahil iitta. Nai amuam Mame, Nug da meiɗe uɗimi ele, am nuhig nai.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

2 Korint 12:4

Amge Paradis appa nug nai diig laa doyom, danab nug nai amu ig danab ihinig naippa mehuqkkunu elele iitta, amu nai amu mehuqaknu am ele gun ele.

2 Korint 9:15

Ehanittak Kayak ig megatte am okkainab, ig nai amu oh mehuqkkunignu elele iitta. Ehanittak amunu ig Kayak amegppa, “Ena heme,” aakkuib akkunig.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

Aposel 16:34

Aona amu nug diiata, laugppa ukka, ee matom. Nug, nug baekkudppa ele oh ag maɗoɗppan gamag ahak aoppig. Aɗinu? Ag Kayaknu oolagppa genab dooppig.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

1 Korint 16:22

Am danab laa nug Naɗinu oo ii mauhtte dayeb, nug eheɗ laa awaknu anak waappa dayaɗ! Naɗi, na uɗie!

Solomonnu Ahi 5:9

Na am ah iɗun tuqaknab ele, am laa na nuhignu oot mauhtte ele amu, nug danab laa oh attem eɗadtte. Ge, laa na nuhignu oot mauhtte ele, am nug danab laa oh attem eɗadtte amunu, na ig wan yaat mettata, nai amu akkunignu ɠagattag ig amenigppa attem amu, na amunu diig appe, ig doognignu oɗ medattem.

Solomonnu Ahi 1:7

O danab dahil, da am nahipnu ool mauhtte. Na gemu nahipad sipsip ag gikkiɗah lakkulagnu na adeppa omaladna gokkutnu am appe doyei! Ge, na gemu aam anig haenppa sipsip ag hik aon daaglagnu adeppa maadppe daaglag amu, na aben amu appe doyei! Da na laipad, ag ahilkad sipsip gumadnan daappeg, da na maditten anidkkulnu ag oolagppa oikkul am ena iitta; amunu da amu hepanu, na adeppa daakkutnu am appe dookkulnu ool okkai daatte.

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.