1 Pita 1:12 - Nobonob Baibel

¹² Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

1 Pita 1:12 Referans Kwoze

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

1 Korint 2:10

Keeke amuam lokkumak dayom, amge Kayak Nug he, nuhig Ouɗi ig ippunikkom. Kayak Ouɗi Nug keeke oh mattia anidtte. Ge, Nug Kayaknu dabmak oh lokkumak daatte, Nug amu ele anidtte.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Mak 16:15

Daulag batowa, Nug ag amelagppa aum. “Ag ahan, wan atu ohppa gona, dahilnu Nai Ena danab oh amelagppa mehuqeg!

1 Pita 1:25

amge Naɗinu nai am hanhan daatte.” Amu laa ag Nai Ena ag amelagppa mehuqppig amu, nai amuam nai amu aakkuib.

Revelesen 5:11

Aria, da baula neekke, daul hume, engel tausen kuɗumnab amu milion kuɗumnab ele ag sia king ⌊anuqak⌋, hab daup waɗele Kayaknu bauklel aotteb ele, ikki danab ag ele oo mattan taliliadna daaegeg, baalag doyen anadmi.

2 Korint 6:6

Laa amu, ig ihinig oppiak kobolppa, ihinig oo mettak kobolppa, ihinig laa dilagnu oo maɗoɗ dim lamittak kobolppa, ihinig laa dilagnu oo bodoettak kobolppa, Kayak Ouɗi ihinigppa daatteppa, ig ihinig oo mauhak kobol genabppa, ihinig nai genab mattiak kobolppa, amu ihinig Kayaknu ɠagattagppa keeke hak kobolppa, ig am Kayaknu maɗi nid daattem ippunadttem. Ig Kayaknu ban haknu keeke eppenig naɗiap-ppa, nanehppa ele aɗattem amuppa amu,

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Daniel 12:13

Amu Daniel, nahipnu, na wanppa daanna, na maɗoɗ ele daye! Na wanppa oinna, wanppa dayak nahip iitta meeb, na hik aon daappe ukkeb, gog tak haenppa na eɗun hippaidna, aug ena Kayak medakkunu tituanom daatte amu, na aokkut,” awa aum.

Daniel 12:9

Da anam oɗ mettai, nug da amelppa aum. “Daniel, na maɗoɗ ele daye! Aɗinu? Nai imu qettoɗmanu babaittak aakku daatte. Am anam dayebeb ukkeb, gog tak haenppa nai imuam daakku.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

Galesia 1:16

Nug da Nug Bekkanu Nai Ena iitta aɗi amelagppa mehuqkkulnu Nug Bekka da ippuniɗom, amge da haen amuppa aɗi nai mehuqkkulnu danab laala ele nai ii mattimut.

Galesia 1:12

Da danab laa nuhigppanu ii aomi. Laa ele amu, danab laa nug da amu ii ippuniɗom. Iitta. Jesus Kristus Nug nukka da ippuniɗom.

Rom 10:15

Amu laa ag mehuqak danab laa ii otialadna maadppeg gokkulag amu, ag attem hena, nai mehuqkkulag? Kayak naippa, nai daatte bia. “Danab laa nug uɗia, danab ah amelagppa nai ena maditte, danab ah laa oh dilag neekkakppa amu, danab amu nug enanag hette anidtteb,” awa atte.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

Luk 9:6

Anam a amu ippunittak awak danab ag ahan, aabaab gona, Nai Ena mehuqnana, oɗe danab atu ohppanu ele heeg, ena daappig.

Luk 2:26

Anam amu Kayak Ouɗi Nug danab amu nug paha ii mauhma. Iitta. Tatam nug Naɗinu Kristus anittowa, dimppa nug mauhkkunu ippunittom.

Matyu 16:17

Pita a amu, Jesus Nug oɗeppa awa aum. “Saimon, Jona bekka, Kayak Nug na itittak ena mettom daatte. Danab wanppanu laa nai amu ii ippunittom. Iitta. Da Mamel hab attan daatte, Nug na ippunittom

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Daniel 10:1

Amu Persia dilag king Sairus nug king abenab awa nuhig king dayaknu maɗ ewamppa Kayak he, Daniel, onig laa Beltesasar, nug dimppa aɗi bekkunu nai laa doyom. Nai amuam ban naɗi daakkunu nai, am nai amuam genabib. Daniel nai amu tuleglegppa awe, Kayak he, nug tuleglegppa nai amunu diignu doyak tutukku aɗom.

Daniel 8:13

Aria, da Daniel, da tuleglegppa amu antten, da laa Kayaknu oppiaawak ele daatte, nug nai mattieye, laa, nug ele Kayaknu oppiaawak ele, nug nug amegppa nai laa aum am, da ahilah nai doomi. Nug oɗ metta inam aum. “Tulegleg danab imu anidtte ele, nug tuleglegppa keeke digdig anidtte. Amu keeke amu oh ba malakku; amu haen gane laa ele ukkeb, keeke amu oh ba malakku? Tuleglegppa nug inam anidtte. Qeqeɗi amu nug heeb, deɗ oh Kayaknu mana mettak ii hemana, nug tappe nak nau heeb, nauhak okkainab daakku, nug heeb, Kayaknu mettid lag am nug eppegppa dayaya, keeke hamu bia daakku, amu nug Kayaknu daup eɗatta, heeb nauhkkulag,” awa aum.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Daniel 2:19

Daniel amelagppa anam mattia male, tuqan Kayak he, Daniel nug kingnu tul niiak amu tuleglegppa anttom. Nug antta aha, nug Kayak, hab attan daatte, nug Nug binag meum.

Aisaia 32:15

Wan amu nauha anam dayeb ukkeb, Yawe Nug nuhig Ouɗi hab attannu ig mekkeb batakku. Yawe Nug anam heeb, atu taɗak amu, wan amuam wan ittag ele bekku. Ao, Nug anam heeb, wan ittag ele, am ittag huanaknab ele daakku.

Prowerb 1:23

Ag danab ah anam amu, ag da Doyak Dabmak Ena Ele, ag matu daug batak dahil imu dabmena dim lamidlob amu, da dahil doyak dabmak ena ele imu oh ag mattalom. Ao, da dahil dabmak appi, ag doolob.

Eksodas 25:20

Kerubim aɗit dottolah amu, aa hippaidya, aa nug iɗu neekkidya daayya, aa haulah am otalpeɗ, Tituanak Nainu Kunup ameg daatte, amu nakok attan dayaɗ!

Hibru 11:13

Abraham aɗi amu ag ahilag ooppa genab doyak amuib aɗan mauhppig. Ag Kayak keeke madakkunu nai qakka aum, nai amuib aoppig daanna mauhppig; keeke amu ii aoppig, amge butti aɗi keeke amuam bekkunu genab anidppig. Ag appig. “Ig am wan laihnu danab uɗit daatteb bia daattem; wan imuam ig appanig diignab iitta,” aon appig.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Rom 1:15

amunu, da ag Rom appa daatteb ele ahilagppa Nai Ena mehuqkkulnu ool okkai daatte.

Aposel 16:10

Pol nug keeke amu anam antte, aria wagɗe ig ahat paha Makedonia gokkunignu ib mattimut. Ig amut. “Ig doottem, Kayak Nug ig oninigppa eum, ig gota Nai Ena ag amelagppa mehuqpput dooglagnu aum,” aot amut.

Aposel 10:44

Pita nug nai mehuqeqe, Kayak Ouɗi Nug danab oh ag Kayak nai dooppig ele, Nug ahilagppa neum.

Aposel 8:25

Amu Pita, Jon ele aa danab ah amelagppa Naɗinu nai mehuqeh doyeg, aria dimppa aa eɗuya Jerusalem gopiɗ. Aa ibppa goyaya, Samarianu aab kuɗumppa aa Nai Ena mehuqpiɗ.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

Aposel 4:8

Danab amu ag anam aon oɗ mataeg, Kayak Ouɗi Nug Pita ooppa ambe, nug aha ag amelagppa aum. “O ag Israel danab okkai, amu ag ikki danab ele,

Joel 2:28

Yawe Nug atte. “Amu dimppa da dahil Ouɗi danab ah diig oh dilagppanu ⌊danab ah laala⌋ madakkul. Da madappi, ag bekkalkad, aɗelkad ele ag propet nai madippeppeg, ahilkad danab kaino ag tul niiakppa keeke anidppeg, ahilkad danab bau ag tuleglegppa keeke anidkkulag.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

1 Pita 4:6

Danab laa mauhppig amu, tatam ag danab oh bia beɗulkadnu epeɗiak aon mauhkkulag, amge geha ag ouɗilkad Kayak ⌊oo niitte bia⌋ nuhig Ouɗippa ag bauklel daaglagnu, laa ag Nai Ena ag amelagppa mattieg dooppig.