1 Korint 9:25 - Nobonob Baibel

²⁵ Amu danab oh ag qiɗ laala ele hekkulagnu daatteb amu, ag wan imuppan keeke o kobol laala, ag qiɗ ena hekkulagnu ib oo nette ele amu, ag amu oh qeeg nette. Danab amu ag wannu bala, keeke nauhtte ele aoglagnu hena, qiɗ amu hetteb, amge ig nob ena, nauhaknu elele iitta, amu aognignu hettem.

1 Korint 9:25 Referans Kwoze

2 Timoti 2:5

Laa nug, nug eɗittaknu qaiqaɗ gotte amu, nug qaiqaɗ ukkaknu ɗoppa qaiqaɗ gotte. Am nug ɗoppa qaiqaɗ ii gotte amu, nug laa oh eɗidkkutai, amge ag nug eɗittaknu keeke ii medatteb.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

Revelesen 3:11

Da paha eɗue uɗikkul. Laa nug nahip keeke ena, king haɗ bia amu, nug aomanu, keeke na aome amu na ɠagattag aɗan daye!

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

2 Pita 1:6

Amu ag akka ahilag oiyak pehettak atognoak kobol aon, doyak ele ouaqateg! Amu ag uug doonna eɗidkkulagnuib dabmekkulagnu kobol aon, ag akka ahilag oiyak pehettak atognoak kobol ele ouaqateg! Amu ag genab tutukku hak kobol aon, ag uug doonna eɗidkkulagnuib dabmekkulagnu kobol ele ouaqateg!

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

Galesia 5:23

oo bodoetta wagai mak iitta kobol, laa nug nukka nug nuhig oiyak pehettak atognoak kobol ele. Kobol amunu oh, amu haknu ɗo laa ii daatte.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

1 Korint 15:54

Amunu haen ig beɗunig beɗatte imu amu geha baolia, laa awa, ena hanhan daakkunu beeb, amu haen ig beɗunig imu mauhtte amu geha baolia, bau hanhan daakkunu beeb amu, haen amuppa amu Kayak naippa, nai laa daatte amu meu genab bekku. Nai amuam inam. “Kayak Nug he, mauhak iitta meum; Kayak Nug mauhak eɗittom.

Revelesen 4:10

ikki danab 24 amu ag laa, Nug sia king ⌊anuqak,⌋ appa daatte, Nug hanhan bau daatte ele amu, ag Nug noobppa gatelag qaun ona, Nug noobppa dup nona binag mena, ag anen anen ag ahilkad haɗ ag ikkilkadppanu aon, sia king ⌊anuqak⌋ guguittak maadna daaegeg, ikki danab ag inam atteb.

Revelesen 4:4

Aria, sia king 24 laa ag sia king ⌊anuqak⌋ amu talilidna daaegeg, sia king amu gamagppa dayom. Sia king oh ag anam daaegeg amu, ikki danab 24 ag sia king 24 amuppa daappig. Ikki danab amu ag lamen ahilkad hakkab ele, ag ikkilkadppa haɗ golppa hak aɗalatteg noeg, ag daappig.

Taitus 1:8

Nug amu ii hema. Iitta! Nug ɗo danab aab laappanu uɗippeg amu ehanattaɗ! Nug kobol ena ohnu oo mauhaɗ! Nug nukka nug nuhig oiyak pehettak atognoaɗ! Nug tutukku, oppiaawak ele dayaɗ! Nug nukka beɗu atognoa hagakka awak ele oiyaɗ!

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!